Read Buka Helaga (Hiri Motu) 1993 NEHEMIA 12 Bible Online

NEHEMIA 12 - Buka Helaga (Hiri Motu) 1993 bible

NEHEMIA 12

¹Hahelagaia taudia bona Levi taudia, Serubabele Sealetiele bona Iosua danu Babulonia ena hesiai mai guia danu dekena amo idia giroa mai, be inai: Seraia, Ieremia, Esera.

²Amaraia, Maluku, Hatusu.

³Sekanaia, Rehumu, Meremoto.

⁴Ido, Ginetoi, Abaisa.

⁵Miamini, Madaia, Bilega.

⁶Semaia, Ioaribi, Iedaia.

⁷Salu, Amoka Hilekaia, Iedaia.

⁸Iesua, Binui, Kademiele, Serebaia, Iuda, bona Matanaia. Inai Matanaia mai ena varavara taudia danu ese Dirava hanamoa ane abia ia gunalaia.

⁹Edia varavara Levi taudia Bakabukaia bona Uno be Matanaia ena orea kahirakahira, tomadiho gaukara lalonai idia gini, bona idia danu ese ane idia abia.

¹⁰Iosua be Ioiakimi ena tamana, Ioiakimi be Eliasibi ena tamana, Eliasibi be Ioiada ena tamana,

¹¹Ioiada be Ionatana ena tamana, Ionatana be Iadua ena tamana.

¹²Ioiakimi be Hahelagaia Tauna Badana neganai, inai hahelagaia taudia be iduhu lohia taudia: Meraia — Seraia ena iduhu Hananaia — Ieremia ena iduhu Mesulama — Esera ena iduhu Iehohanana — Amaraia ena iduhu Ionatana — Maluki ena iduhu Iosepa — Sebanaia ena iduhu Adina — Harimi ena iduhu Helekai — Meraioto ena iduhu Sekaraia — Ido ena iduhu Mesulama — Gidetono ena iduhu Sikiri — Abaisa ena iduhu Pilitai — Miniamini bona. Moadia edia iduhu Samua — Bilega ena iduhu Iehonatana — Semaia ena iduhu Matenai — Ioiaribi ena iduhu Usisi — Iedaia ena iduhu Kalai — Salai ena iduhu Ebere — Amoka ena iduhu Hasabaia — Hilekaia ena iduhu Netanele — Iedaia ena iduhu.

²²Eliasibi bona Ioiada bona Iohanana bona Iadua be Hahelagaia Taudia Badadia neganai, Levi taudia bona hahelagaia taudia edia iduhu lohia taudia edia ladadia be buka ta dekenai idia torea ela bona Darauese, Parasa tauna, ena king ena nega.

²³To Levi taudia edia iduhu lohia taudia, be Buka ladana Sivarai lalonai idia torea, ia mai bona Iohanana Eliasibi ena nega sibona.

²⁴Levi taudia edia lohia taudia be Hasabaia, Serebaia bona Iesua Kademiele. Levi taudia be orea ta ta dekenai idia gaukara. Orea rua be tomadiho gaukara lalonai ane dekenai Dirava idia hanamoa. Ane idia abia hedava. Dirava idia taniku henia, king Davida, Dirava ena tau ese ia oda henia hegeregerena.

²⁵Dubu Helaga gimaia taudia, Dubu Helaga ena iduara edia badibadinai idia noho kohu haboua daiutudia idia gimaia taudia be inai: Matanaia, Bakabukaia, Obadaia, Mesulama, Talamono bona Akubu.

²⁶Inai taudia be Ioiakimi ena nega lalonai idia noho. Ioiakimi be Iosua Iosadaka ena natuna. Unai neganai danu be gavana tauna Nehemia, bona hahelagaia tauna Esera, Taravatu ia tahua, bona ia hadibaia tauna, edia nega.

²⁷Ierusalema ena magu idia hahelagaia neganai, Levi taudia be edia noho gabudia ibounai dekena amo Ierusalema dekenai idia mailaidia, ane do idia abia, mai miusiki danu totona. Idia ese botaia auridia bona gita badadia bona maragidia dekena amo unai magu hahelagaia gaukara idia hanamoa.

²⁸Vadaeni ane abia orea taudia idia haboua mai, Ierusalema kahirakahira idia noho gabudia, bona Netopa ena hanua ta ta dekena amo.

²⁹Bona Bete Gilegala dekena amo, bona Geba bona Asamavete edia kahana dekena amo, badina be ane abia taudia ese idia haginia vadaeni hanua be Ierusalema idia hagegea noho.

³⁰Unai neganai hahelagaia taudia bona Levi taudia ese sibodia idia hagoevaia, ma idia ese taunimanima, bona magu ikoukou ibounai, bona magu danu, idia hahelagaia.

³¹Lau Nehemia ese Iuda ena lohia taudia be magu ena latanai lau hakaudia daekau, bona lau oda henidia, idia ese orea badadia rua do idia gunalaia, ane abia taudia, hanua ena kahana ibounai do idia raka, bona mai ane danu Dirava do idia hanamoa. Orea ginigunana be idiba kahanai idia raka lao, magu ena latanai, ela bona Boromakau Kukuri ena Ikoukou.

³²Idia edia murinai Hosaia bona Iuda lohia taudia edia orea kahana idia raka.

³³Edia murinai ba Asaraia, Esera, Mesulama,

³⁴Iuda, Beniamina, Semaia, Ieremia,

³⁵bona hahelagaia taudia ma haida, mai edia kibi danu. Idia be: Sekaraia, ia be Ionatana ena natuna, Ionatana be Semaia ena natuna, Semaia be Matanaia ena natuna, Matanaia be Mikaia ena natuna, Mikaia be Sakuru ena natuna, Sakuru be Asapa ena natuna.

³⁶Sekaraia ena murinai, iena iduhu taudia idia raka mai: Semaia Asarele, Milalai, Gilalai, Mai, Netanele, Iuda, bona Hanani. Idia ese Davida, Dirava ena tau, ese ia gwauraia miusiki gaudia idia gadaralaia. Taravatu torea tauna Esera ese unai orea taudia ia gunalaia.

³⁷Ranu Lohilohi ena Ikoukou dekenai idia ginidae, vadaeni maoromaoro vadavada dekenai idia daekau lao, Davida ena Hanua dekenai, bona Davida ena ruma idia hanaia. Bona magu ena latanai ma idia raka lao ela bona Ranu ena Ikoukou, dina ia daekau kahana dekenai idia ginidae.

³⁸Dirava hanamoa orea iharuana be lauri kahana dekena amo idia lao, bona lau, Nehemia be idia edia murinai lau raka, orea kahana taudia danu lau lao. Magu ena latanai ai raka, Amu ena Kohoro ataiai kahana dekena amo ela bona Lababana Bada ena Magu.

³⁹Unai murinai Eparaima ena Iduara ataiai kahana, bona Iduara Gunana, bona Gwarume ena Iduara, bona Hananele ena Kohoro bona Tau 100 edia Kohoro dekena amo ai lao, ela bona Mamoe edia Iduara, bona Dubu Helaga ena badinai, Gimaia Taudia edia Iduara dekenai aiemai raka ia doko.

⁴⁰Vadaeni orea ruaosi, Dirava idia hanamoa noho ane abia orea ruaosi, be Dubu Helaga dekenai idia ginidae. Lau, bona lohia taudia kahana danu ese Dubu Helaga lalonai ai gini.

⁴¹Hahelagaia taudia danu, Eliakimi, Maseaia, Miniamini, Mikaia, Elioenai, Sekaraia, bona Hananaia be Dubu lalonai idia vareai, mai edia kibi danu,

⁴²bona Maseaia, Semaia, Eleasara, Usisi, Iehohanana, Malekaia, Elama bona Esere danu. Unai neganai ane abia taudia ese ane idia abia, bona Ieserahaia ese ia gunalaidia.

⁴³Unai dina dekenai boubou gaudia momo idia henia, bona taunimanima be idia moale bada, badina be Dirava ese moale ia henidia momokani. Hahine bona edia natudia danu idia moale bada. Ierusalema dekenai idia moale ena regena bada be daudau gabudia noho taudia ese idia kamonai.

⁴⁴Unai dina dekenai tau haida idia abia hidi, kohu haboua daiutudia do idia naria totona. Inai daiutudia dekenai Dubu Helaga dekenai idia henia harihari gaudia, bona vara guna uiti bona au huahua, bona karoa 10 dekena amo karoa ta gaudia idia atoa. Unuseni hahelagaia taudia bona Levi taudia edia gaukara davana gaudia idia haboua, taravatu ese ia gwauraia gaudia, hanua ta ta edia biru gabudia idia havaraia hegeregerena. Iuda taudia ibounai ese hahelagaia taudia bona Levi taudia dekenai idia moale bada.

⁴⁵Badina be idia ese Dirava ena hesiai gaukara idia karaia, bona hagoevaia karadia danu idia karaia Dirava ena oda hegeregerena. Levi ane abia taudia, bona iduara gimaia taudia ese danu edia gaukara idia karaia, king Davida bona iena natuna Solomona ese idia gwauraia hegeregerena.

⁴⁶Badina be nega gunadia lalonai, Davida bona Asapa edia nega lalonai, ane abia taudia be mai edia lohia taudia, bona Dirava hanamoa bona tanikiu henia anedia idia abia.

⁴⁷Vadaeni Serubabele bona Nehemia edia nega lalonai, Israela taudia ibounai ese Dubu Helaga ena ane abia taudia bona iduara gimaia taudia edia gaukara davana be dina ta ta ibounai idia henia. Ma Israela taudia ese, edia davana karoa 10 ena karoa ta dekena amo, Levi taudia ibounai dekenai harihari gaudia helagadia idia henia. Bona unai Levi taudia ese, unai edia gaukara davana karoa 10 dekena amo, karoa ta be hahelagaia taudia dekenai idia henia.