Read Buka Helaga (Hiri Motu) 1993 SALAMO 100 Bible Online

SALAMO 100 - Buka Helaga (Hiri Motu) 1993 bible

SALAMO 100

¹Tanobada taudia ibounai e, umui ese Lohiabada hanamoa totona ane do umui abia!

²Lohiabada do umui tomadiho henia, mai emui moale danu. Lohiabada ena vairana dekenai umui mai, mai moale anedia danu.

³Do umui diba momokani, Lohiabada sibona be Dirava. Ia sibona ese ita ia karaia, bona ita be iena. Ita be iena bese taudia, ita be iena mamoe, ia ubua gaudia.

⁴Lohiabada ena Dubu Helaga lalonai do ita raka vareai, mai tanikiu danu. Iena Ruma lalonai Lohiabada ena ladana do ita abia isi, Lohiabada do ita tanikiu henia. Iena ladana do ita hanamoa bada,

⁵badina be Lohiabada ena kara be namo. Iena lalokau bona bogahisihisi, be do idia noho ela bona hanaihanai. Ia ese iena hereva bona iena kara, be do ia haidaua lasi ela bona hanaihanai.