Read Buka Helaga (Hiri Motu) 1993 SALAMO 11 Bible Online

SALAMO 11 - Buka Helaga (Hiri Motu) 1993 bible

SALAMO 11

¹Mauri do lau davaria momokani, badina be Lohiabada lau abidadama henia. Unai dainai, badina dahaka lau umui hamaoroa, umui gwau: “Ororo dekenai do ita heau mauri, manu ia heau bamona!

²Badina umui itaia, kara dika taudia ese, edia peva idia veria noho. Edia diba be varo dekenai idia atoa hegaegae, kara maoromaoro taudia do idia pidia totona.

³Bema mauri ena badina ia makohia noho neganai, kara maoromaoro taudia be dahaka idia karaia diba?”

⁴Lohiabada be iena Dubu Helaga lalonai ia noho. Lohiabada ena terona be guba dekenai ia noho. Gabu ibounai dekenai idia noho taunimanima, be Lohiabada ese ia itaia noho, bona edia kara ibounai ia diba.

⁵Taunimanima namodia bona dikadia edia kara, be Dirava ese ia tahua, maka tamona dekenai. Taravatu utua taudia be, Lohiabada ese ia badu henidia noho.

⁶Kara dika taudia edia latanai, Dirava ese lahi ena gida mai hururuhururu, bona salipa danu ia siaia diho noho. Ma lai dikadia momokani dekena amo, ia matakani henidia noho.

⁷Lohiabada be mai ena kara maoromaoro, bona kara namodia ia ura henia noho. Unai bamona idia karaia taudia, be Lohiabada ena vairana dekenai do idia noho.