Read Buka Helaga (Hiri Motu) 1993 SALAMO 120 Bible Online

SALAMO 120 - Buka Helaga (Hiri Motu) 1993 bible

SALAMO 120

¹Egu lalona ia hisihisi neganai, lau ese Lohiabada dekenai lau tai henia, bona ia ese lau dekenai ia haere henia.

²Lau gwau, “Lohiabada e, koikoi taudia dekena amo, bona samania koikoi taudia dekena amo lau do oi hamauria.”

³Koikoi tauna e, Lohiabada ese oi dekenai dahaka do ia karaia? Oiemu kerere davana be edena dala dekenai do ia henia?

⁴Ia ese tuari tauna ena diba mai edia matana, dekena amo oi do ia pidia, bona ia ese lahi gidadia, siahu herea gaudia oiemu latanai do ia bubua.

⁵Lau be umui dika taudia emui huanai lau noho, bona egu noho be dika, Meseka o Kedara dekenai lau noho ena dika bamona.

⁶Maino idia ura henia lasi taudia edia huanai, be lau noho nega daudau momokani.

⁷Lau be maino lau ura, to lau be inai bamona lau hereva neganai, idia be tuari idia ura.