Read Buka Helaga (Hiri Motu) 1993 SALAMO 125 Bible Online

SALAMO 125 - Buka Helaga (Hiri Motu) 1993 bible

SALAMO 125

¹Lohiabada idia abidadama henia taudia be Siona Ororo bamona. Inai Ororo be ia marere diba lasi, ia be do ia gini goada noho hanaihanai.

²Ororo ese Ierusalema idia koua hagegea noho hegeregerena, Lohiabada ese iena bese taudia unai bamona ia koua hagegea noho, hari inai neganai, ia lao bona hanaihanai.

³Kara dika taudia ese nega ibounai, Dirava ena bese taudia edia tano do idia biagua lasi, badina bema unai bamona neganai, sedira Dirava ena bese taudia danu ese kara dika do idia karaia.

⁴Lohiabada e, kara namo taudia do oi hanamoa. Oiemu taravatu idia kamonai henia noho taudia do oi hanamoa.

⁵To oi ese kara dika taudia edia dika davana oi henia neganai, mani emu kara, oiemu dala idia rakatania taudia danu edia dika davana do oi henia. Israela dekenai maino ia noho, be namo!