Read Buka Helaga (Hiri Motu) 1993 SALAMO 136 Bible Online

SALAMO 136 - Buka Helaga (Hiri Motu) 1993 bible

SALAMO 136

¹Lohiabada do ita tanikiu henia, badina ia be namo. Iena lalokau bona bogahisihisi do idia noho hanaihanai.

²Ia be dirava ibounai ia hereaia Diravana, bona do ita tanikiu henia. Iena lalokau bona bogahisihisi do idia noho hanaihanai.

³Ia be lohia ibounai ia hereaia Lohiana, bona do ita tanikiu henia. Iena lalokau bona bogahisihisi do idia noho hanaihanai.

⁴Lohiabada sibona ese hoa kara badadia ia karaia noho. Iena lalokau bona bogahisihisi do idia noho hanaihanai.

⁵Iena aonega dekena amo guba ia karaia. Iena lalokau bona bogahisihisi do idia noho hanaihanai.

⁶Ia ese tanobada be davara ena latanai ia haginia. Iena lalokau bona bogahisihisi do idia noho hanaihanai.

⁷Dina, hua bona hisiu, be ia ese ia karaia. Iena lalokau bona bogahisihisi do idia noho hanaihanai.

⁸Dina ena diari ese dina ia biagua noho. Iena lalokau bona bogahisihisi do idia noho hanaihanai.

⁹Hua bona hisiu ese hanuaboi idia biagua noho. Iena lalokau bona bogahisihisi do idia noho hanaihanai.

¹⁰Aigupito dekenai vara guna natudia ia alaia mase Diravana, be do ita tanikiu henia, Iena lalokau bona bogahisihisi do idia noho hanaihanai.

¹¹Ia ese Aigupito dekena amo Israela taudia ia hakaua mai. Iena lalokau bona bogahisihisi do idia noho hanaihanai.

¹²Iena imana mai ena goada, bona mai ena siahu bada dekena amo. Iena lalokau bona bogahisihisi do idia noho hanaihanai.

¹³Ia ese Davara Kakakaka ia hapararaia. Iena lalokau bona bogahisihisi do idia noho hanaihanai.

¹⁴Ia ese davara ena huanai iena bese taudia ia hakaudia mauri. Iena lalokau bona bogahisihisi do idia noho hanaihanai.

¹⁵To ia ese Aigupito ena king bona iena tuari orea, be Davara Kakakaka dekenai ia aladia mase. Iena lalokau bona bogahisihisi do idia noho hanaihanai.

¹⁶Lohiabada ese iena bese taudia, tano kaukau dekenai ia hakaudia hanaia. Iena lalokau bona bogahisihisi do idia noho hanaihanai.

¹⁷Ia ese, mai edia siahu bada king taudia ia alaia mase. Iena lalokau bona bogahisihisi do idia noho hanaihanai.

¹⁸Ia ese mai edia sivarai badadia king taudia ia alaia mase. Iena lalokau bona bogahisihisi do idia noho hanaihanai.

¹⁹Sihona, Amoro taudia edia king. Iena lalokau bona bogahisihisi do idia noho hanaihanai.

²⁰Oga, Basana taudia edia king. Iena lalokau bona bogahisihisi do idia noho hanaihanai.

²¹Edia tano be iena bese taudia dekenai ia henia. Iena lalokau bona bogahisihisi do idia noho hanaihanai.

²²Inai tano be Israela, iena hesiai tauna dekenai ia henia. Iena lalokau bona bogahisihisi do idia noho hanaihanai.

²³Tuari ita lusi neganai Lohiabada ese ita ia laloaboio lasi. Iena lalokau bona bogahisihisi do idia noho hanaihanai.

²⁴Ita idia hadikaia gwauraia taudia dekena amo, Dirava ese ita ia hamauria. Iena lalokau bona bogahisihisi do idia noho hanaihanai.

²⁵Ia ese mauri gaudia ibounai dekenai aniani ia henia noho. Iena lalokau bona bogahisihisi do idia noho hanaihanai.

²⁶Guba ena Dirava do ita tanikiu henia be namo. Iena lalokau bona bogahisihisi do idia noho hanaihanai.