Read Buka Helaga (Hiri Motu) 1993 SALAMO 150 Bible Online

SALAMO 150 - Buka Helaga (Hiri Motu) 1993 bible

SALAMO 150

¹Lohiabada do umui hanamoa! Iena Dubu Helaga lalonai Dirava do umui hanamoa! Guba, iena siahu bada herea gabuna dekenai danu, be Lohiabada do umui hanamoa!

²Ia ese kara badadia ia karaia dainai do umui hanamoa. Iena siahu bada herea momokani do umui hanamoa.

³Kibi ena regena dekena amo do umui hanamoa. Gita badadia bona maragidia dekena amo ia do umui hanamoa.

⁴Gaba bona mavaru dekena amo, gita bona ivilikou dekena amo, Lohiabada do umui hanamoa.

⁵Botaia auri ena regena dekena amo ia do umui hanamoa. Auri do umui botaia goadagoada, bona Lohiabada ena ladana do umui abia isi.

⁶Umui mauri noho gaudia ibounai e, Lohiabada ena ladana do umui hanamoa! Lohiabada do umui hanamoa!