Read Buka Helaga (Hiri Motu) 1993 SALAMO 70 Bible Online

SALAMO 70 - Buka Helaga (Hiri Motu) 1993 bible

SALAMO 70

¹Dirava e, mani lau do oi hamauria. Lohiabada e, lau do oi durua haraga.

²Egu mauri hadokoa dalana idia tahua noho taudia dekenai, hemarai bona daradara do oi havaraia. Idia ura lau idia hadikaia ore gwauraia taudia, be do oi siaidia lou mai hemarai bada danu.

³Lau idia hereva dika henia noho taudia idia gwau, “Aha, aha,” Unai taudia be do oi halusidia, mai hemarai bada danu.

⁴To oi idia tahua noho taudia ibounai, be do oi durua, vadaeni oi dainai do idia moale bada noho. Bona oi ese mauri oi henidia dainai idia tanikiu noho taudia, do oi durua, vadaeni nega ibounai inai bamona do idia gwau, “Dirava be ia bada momokani!”

⁵To lau be lau ogogami noho, bona mai egu gau ta lasi danu. Dirava e, lau dekenai do oi mai haraga. Oi be lauegu durua Tauna, bona egu hamauria Tauna danu. Lohiabada e, lau durua totona do oi mai haraga.