Read Buka Helaga (Hiri Motu) 1993 SALAMO 87 Bible Online

SALAMO 87 - Buka Helaga (Hiri Motu) 1993 bible

SALAMO 87

¹Lohiabada ese iena hanua, be ororo helagana dekenai ia haginia.

²Lohiabada ese Israela ena gabu ibounai ia ura henia noho, to ia ese Ierusalema hanua ia ura henia bada momokani.

³Dirava ena hanua dekenai noho taudia e, do umui kamonai. Dirava ese emui hanua ena hairaina ia herevalaia noho.

⁴Dirava be inai bamona ia hereva, ia gwau, “Dohore egu hereva idia kamonai henia bese taudia lau duahia neganai, Aigupito bona Babulonia danu do lau haboua. Ma danu do lau gwau, Pilistia bona Turo bona Etiopia taudia, be Ierusalema noho taudia danu do lau haboua.”

⁵Ma Dirava ese Siona do idia herevalaia, do ia gwau, “Siona be bese idauidau ibounai taudia edia gabuna.” Badina be Siahu Ibounai Diravana ese, Ierusalema do ia haginia bona hagoadaia.

⁶Lohiabada ese bese momo taudia edia ladana do ia torea, bona ia ese Ierusalema noho taudia danu do ia haboudia, badina do ia gwau, “Idia be Siona dekenai idia vara.”

⁷Unai neganai Ierusalema noho taudia do idia mavaru mai ane danu. Do idia gwau, “Ierusalema e, ai be oiemu taudia korikori, bona oi be hanamoa ibounai ena badina.”