Read Buka Helaga (Hiri Motu) 1993 IEREMIA 45 Bible Online

IEREMIA 45 - Buka Helaga (Hiri Motu) 1993 bible

IEREMIA 45

¹Iehoiakimi, Iuda ena king Iosaia ena natuna tau, ena king lagani namba 4 lalonai, lau, peroveta tauna Ieremia ese inai hereva lau gwauraia, bona Baruku Neraia ese buka ta lalonai ia torea. Unai neganai lau ese Baruku Neraia dekenai inai hereva lau hamaoroa:

²“Baruku e, Lohiabada, Israela ena Dirava ese inai bamona ia gwau:

³Oi be inai bamona oi hereva noho, oi gwau, ‘Lau madi o, lau be dika vadaeni, badina Lohiabada ese egu hisihisi ena latanai lalohisihisi ma ia atoa kau vadaeni, bona lau tai noho, ia mai bona lau hesiku vadaeni, bona laga-ani sisina lau davaria diba lasi.’

⁴“To lau Lohiabada ese lau haginia vadaeni gauna lau veria diho noho, bona lau ese lau hadoa gauna be lau kokia noho. Inai bamona do lau karaia inai tano ena kahana ibounai dekenai.

⁵To oi ese gau namo herea, oi sibona totona, oi tahua noho, a? Lau Lohiabada lau gwau: Inai bamona tahua kara do oi karaia lasi, badina be lau ese taunimanima ibounai dekenai dika do lau havaraia, to oiemu mauri be oi dekenai do lau henia. Do oi lao gabudia ibounai dekenai oi be do oi heau mauri.”