Read Buka Helaga (Hiri Motu) 1993 1 IOANE 1 Bible Online

1 IOANE 1 - Buka Helaga (Hiri Motu) 1993 bible

1 IOANE 1

¹Mauri ena Hereva, hamatamaia nega dekena amo ia noho gauna, be umui dekenai ai ura hamaorolaia. Ai be aiemai taiana dekena amo ai kamonaia, bona aiemai matana dekena amo ai itaia. Oibe, ai itaia vadaeni, bona aiemai imana dekena amo ai dogoatao vadaeni.

²Unai mauri be taunimanima dekenai ia hedinarai neganai ai itaia, bona hari ai gwauraia hedinarai noho. Umui dekenai ai hereva momokani, inai mauri be mauri hanaihanai. Gunaguna ia be Tamana danu idia noho, to hari inai neganai ai dekenai ia hedinarai.

³Ai ese ai itaia bona ai kamonai gaudia umui dekenai ai hamaorolaia noho, umui ese aiemai orea tamona lalonai do umui vareai totona. Badina be ai ura Tamana bona iena Natuna Iesu Keriso danu orea tamona taudia do ita lao.

⁴Ai ese inai revareva umui dekenai ai torea, iseda moale do ia momokani totona.

⁵Inai hereva be Dirava ena Natuna dekena amo ai kamonai, bona umui dekenai ai hamaoroa: Dirava be diari, bona dibura sisina sibona ia dekenai ia noho lasi.

⁶Bema ita gwau ita be Dirava ena orea taudia, to dibura lalonai ita raka noho, ita koikoi noho, hereva momokani ita badinaia lasi.

⁷To bema diari lalonai ita raka noho, Dirava hegeregerena, ita be orea tamona taudia, bona iena Natuna Iesu ena rarana ese kara dika ibounai dekena amo ita ia huria noho, vadaeni ita goeva.

⁸Bema ita gwau ita kara dika lasi, ita sibona ita koia noho, bona hereva momokani be ita lalonai ia noho lasi.

⁹To bema iseda kara dika Dirava dekenai ita gwauraia hedinarai, ia ese ita do ia negea lasi. Lasi momokani. Ia be kara maoromaoro dainai, iena gwauhamata do ia badinaia, bona iseda dika do ia gwauatao. Bona iseda kerere ibounai be do ia huria ore momokani.

¹⁰To bema ita gwau ita be kara dika lasi, inai be ita gwau Dirava be koikoi tauna, bona unai dainai iena hereva be iseda kudouna dekenai ia noho lasi.