Read Buku Lopatulik 1 Mbiri 24 Bible Online

1 Mbiri 24 - Buku Lopatulik bible

1 Mbiri 24

¹Ndipo magawidwe a ana a Aroni ndi awa. Ana a Aroni: Nadabu, ndi Abihu, Eleazara, ndi Itamara.

²Koma Nadabu ndi Abihu anafa, atate wao akali ndi moyo, opanda ana; momwemo Eleazara ndi ltamara anacita nchito ya nsembe.

³Ndipo Davide pamodzi ndi Zadoki wa ana a Eleazara, ndi Ahimeleke wa ana a Itamara, anawagawa, monga mwa malongosoledwe ao m'utumiki wao.

⁴Ndipo anapeza kuti amuna akuru a ana a Eleazara anacuruka, a ana a Itamara anacepa; nawagawa motero: pa ana a Eleazara panali khumi mphambu asanu ndi mmodzi, akuru a nyumba za makolo; ndi pa ana a Itamara, monga mwa nyumba za makolo ao, panali asanu ndi atatu.

⁵Ndipo anawagawa ndi maere, awa ndi aja; pakuti panali akalonga a malo opatulika, ndi akalonga a kwa Mulungu, a ana a Eleazara ndi a ana a Itamara omwe.

⁶Ndi Semaya mwana wa Netaneli mlembi, ndiye wa Alevi, anawalembera pamaso pa mfumu; ndi akalonga, ndi Zadoki wansembe, ndi Ahimeleke mwana wa Abyatara, a akuru a nyumba za makolo a ansembe ndi Alevi, anatenga nyumba imodzi ya kholo lace ya Eleazara, ndi imodzi ya Itamara.

⁷Ndipo maere oyamba anamgwera Yehoyaribu, waciwiri Yedaya,

⁸wacitatu Harimu, wacinai Seorimu,

⁹wacisanu Malikiya, wacisanu ndi cimodzi Miyamini,

¹⁰wacisanu ndi ciwiri Hakozi, wacisanu ndi citatu Abiya,

¹¹wacisanu ndi cinai Yesuwa, wakhumi Sekaniya,

¹²wakhumi ndi cimodzi Eliyasibu, wakhumi ndi ciwiri Yakimu,

¹³wakhumi ndi citatu Hupa, wakhumi ndi cinai Yesebeabu,

¹⁴wakhumi ndi cisanu Biliga, wakhumi ndi cisanu ndi cimodzi Imeri,

¹⁵wakhumi ndi cisanu ndi ciwiri Heziri, wakhumi ndi cisanu ndi citatu Hapizezi,

¹⁶wakhumi ndi cisanu ndi cinai Petahiya, wa makumi awiri Yehezikeli,

¹⁷wa makumi awiri ndi cimodzi Yakini, wa makumi awiri ndi ciwiri Gamuli,

¹⁸wa makumi awiri ndi citatu Delaya, wa makumi awiri ndi cinai Miziya.

¹⁹Awa ndi malongosoledwe ao m'utumiki wao kulowa m'nyumba ya Yehova, monga mwa ciweruzo adawapatsa Aroni atate wao, monga Yehova Mulungu wa Israyeli anamlamulira.

²⁰Ndipo wa ana otsala a Levi: wa ana a Amiramu, Subaeli; wa ana a Subaeli, Yedeya.

²¹Wa Rehabiya: wa ana a Rehabiya, mkuru ndi Isiya.

²²Wa Aizari: Selomoti; wa ana a Selomoti, Yahati.

²³Ndi wa ana a Hebroni: mkuru ndi Yeriya, waciwiri Amariya, wacitatu Yahazieli, wacinai Yekameamu.

²⁴Wa ana a Uziyeli, Mika; wa ana a Mika, Samiri.

²⁵Mbale wa Mika, Isiya; a ana a Isiya, Zekariya,

²⁶Ana a Merari: Mali ndi Musi; mwana wa Yaziya, Beno.

²⁷Ana a Merari: wa Yaziya, Beno, ndi Sohamu, ndi Sakuri, ndi Ibri.

²⁸Wa Mali: Eleazara, ndiye wopanda ana.

²⁹Wa Kisi: mwana wa Kisi, Yerameli.

³⁰Ndi ana a Musi: Mali, ndi Ederi, ndi Yerimoti, Awa ndi ana a Alevi monga mwa nyumba za makolo ao.

³¹Awanso anacita maere monga abale ao ana a Aroni, pamaso pa Davide mfumu, ndi Zadoki, ndi Ahimeleki, ndi akuru a nyumba za makolo za ansembe ndi Alevi; mkuru wa nyumba za makolo monga mng'ono wace.