Read Buku Lopatulik Ezara 2 Bible Online

Ezara 2 - Buku Lopatulik bible

Ezara 2

¹Ana a deralo, amene anakwera kuturuka m'ndende mwa andende aja Nebukadinezara mfumu ya Babulo adawatenga ndende kumka nao ku Babulo, nabwerera kumka ku Yerusalemu ndi Yuda, yense ku mudzi wace, ndi awa:

²ndiwo amene adadza ndi Zerubabele, Yesuwa, Nehemiya, Seraya, Reelaya, Moredekai, Bilisani, Misipara, Bigivai, Rehumu, Baana. Kuwerenga kwa amuna a anthu a Israyeli ndiko:

³ana a Parosi, zikwi ziwiri ndi zana limodzi mphambu makumi asanu ndi awiri kudza awiri.

⁴Ana a Sefatiya, mazana atatu mphambu makumi asanu ndi awiri kudza awiri.

⁵Ana a Ara, mazana asanu ndi awiri mphambu makumi asanu ndi awiri kudza asanu.

⁶Ana a Pahati Moabu, a ana a Yesuwa ndi Yoabu, zikwi ziwiri mphambu mazana asanu ndi atatu kudza khumi ndi awiri.

⁷Ana a Elamu, cikwi cimodzi mphambu mazana awiri kudza makumi asanu ndi anai.

⁸Ana a Zatu, mazana asanu ndi anai mphambu makumi anai kudza asanu.

⁹Ana a Zakai, mazana asanu ndi awiri mphambu makumi asanu ndi limodzi.

¹⁰Ana a Bani, mazana asanu ndi limodzi mphambu makumi anai kudza awiri.

¹¹Ana a Bebai, mazana asanu ndi limodzi mphambu makumi awiri kudza awiri.

¹²Ana a Asigadi, cikwi cimodzi mphambu mazana awiri kudza makumi awiri ndi awiri.

¹³Ana a Adonikamu, mazana asanu ndi limodzi mphambu makumi asanu ndi limodzi kudza asanu ndi mmodzi.

¹⁴Ana a Bigivai, zikwi ziwiri mphambu makumi asanu kudza asanu ndi mmodzi.

¹⁵Ana a Adini, mazana anai mphambu makumi asanu kudza anai.

¹⁶Ana a Ateri, a Hezekiya, makumi asanu ndi anai mphambu asanu ndi atatu.

¹⁷Ana a Bezai, mazana atatu mphambu makumi awiri kudza atatu.

¹⁸Ana a Yora, zana limodzi mphambu khumi ndi awiri.

¹⁹Ana a Hasumu, mazana awiri mphambu makumi awiri kudza atatu.

²⁰Ana a Gibara, makumi asanu ndi anai mphambu asanu.

²¹Ana a Betelehemu zana limodzi mphambu makumi awiri kudza atatu.

²²Anthu a ku Netofa, makumi asanu mphambu asanu ndi mmodzi.

²³Anthu a ku Anatoti, zana limodzi mphambu makumi awiri kudza asanu ndi atatu.

²⁴Ana a Azimaveti, makumi anai mphambu awiri.

²⁵Ana a Kiriyati Arimu, Kefira, ndi Beeroti, mazana asanu ndi awiri mphambu makumi anai kudza atatu.

²⁶Ana a Rama ndi Gaba, mazana asanu ndi limodzi mphambu makumi awiri kudza mmodzi.

²⁷Anthu a Mikimasi, zana limodzi mphambu makumi awiri kudza awiri.

²⁸Anthu a ku Beteli ndi Ai, mazana awiri mphambu makumi awiri kudza atatu.

²⁹Ana a Nebo, makumi asanu mphambu awiri.

³⁰Ana a Magabisi, zana limodzi mphambu makumi asanu kudza asanu ndi mmodzi.

³¹Ana a Elamu wina, cikwi cimodzi mphambu mazana awiri kudza makumi asanu ndi anai.

³²Ana a Harimu, mazana atatu mphambu makumi awiri.

³³Ana a Lodi, Hadidi, ndi Ono, mazana asanu ndi awiri mphambu makumi awiri kudza asanu.

³⁴Ana a Yeriko, mazana atatu mphambu makumi anai kudza asanu.

³⁵Ana a Senai, zikwi zitatu mphambu mazana asanu ndi limodzi kudza makumi atatu.

³⁶Ansembe: ana a Yedaya, a nyumba ya Yesuwa, mazana asanu ndi anai mphambu makumi asanu ndi awiri kudza atatu.

³⁷Ana a lmneri, cikwi cimodzi mphambu makumi asanu kudza awiri.

³⁸Ana a Pasuru, cikwi cimodzi mphambu mazana awiri kudza makumi anai ndi asanu ndi awiri.

³⁹Ana a Harimu, cikwi cimodzi mphambu khumi limodzi kudza asanu ndi awiri.

⁴⁰Alevi: ana a Yesuwa, ndi Kadimiyeli, ndiwo a ana a Hodariya, makumi asanu ndi awiri mphambu anai.

⁴¹Oyimba: ana a Asafu, zana limodzi mphambu makumi awiri kudza asanu ndi atatu.

⁴²Ana a odikira: ana a Sabumu, ana a Ateri, ana a Talimoni, ana a Akubu, ana a Hatita, ana a Sobai, onse pamodzi ndiwo zana limodzi mphambu makumi atatu kudza asanu ndi anai.

⁴³Anetini: ana a Ziha, ana a Hasufa, ana a Tabaoti,

⁴⁴ana a Kerosi, ana a Siaha, ana a Padoni,

⁴⁵ana a Lebano, ana a Hagaba, ana a Akubu,

⁴⁶ana a Hagabu, ana a Salimai, ana a Hanani,

⁴⁷ana a Gideli, ana a Gahari, ana a Reaya,

⁴⁸ana a Rezini, ana a Nekoda, ana a Gazamu,

⁴⁹ana a Uza, ana a Paseya, ana a Besai,

⁵⁰ana a Asina, ana a Mehunimu, ana a Nefusimu,

⁵¹ana a Bakabuku, ana a Hakufa, ana a Haruri,

⁵²ana a Baziluti, ana a Mehida, ana a Harisa,

⁵³ana a Barikosi, ana a Siseri, ana a Tama,

⁵⁴ana a Neziya, ana a Hatifa.

⁵⁵Ana a akapolo a Solomo: ana a Sotai, ana a Sofereti, ana a Peruda,

⁵⁶ana a Yaala, ana a Darikoni, ana a Gideli,

⁵⁷ana a Sefatiya, ana a Hatili, ana a Pokereti wa Zebaimu, ana a Ami.

⁵⁸Anetini onse, ndi ana a akapolo a Solomo, ndiwo mazana atatu mphambu makumi asanu ndi anai kudza awiri.

⁵⁹Ndipo okwera kucokera ku Telemela, Teleharisa, Kerubi, Adana, Imeri, ndi awa, koma sanakhoza kuchula nyumba za makolo ao ndi mbumba zao ngati ali Aisrayeli:

⁶⁰ana a Delaya, ana a Tobiya, ana a Nekoda, mazana asanu ndi limodzi mphambu makumi asanu kudza awiri.

⁶¹Ndi ana a ansembe: ana a Habaya, ana a Kozi, ana a Barizilai, amene anadzitengera mkazi wa ana akazi a Barizilai Mgileadi, nachedwa dzina lao.

⁶²Awa anafunafuna maina ao m'buku la iwo owerengedwa mwa cibadwidwe cao, koma osawapeza; potero anacotsedwa ku nchito ya nsembe monga odetsedwa.

⁶³Ndipo kazembe anawauza kuti asadyeko zopatulikitsa, mpaka adzabuka wansembe wokhala ndi Urimu ndi Tumimu.

⁶⁴Msonkhano wonse pamodzi ndiwo wa zikwi makumi anai ndi awiri mphambu mazana atatu kudza makumi asanu ndi limodzi,

⁶⁵osawerenga akapolo ao amuna ndi akazi, ndiwo zikwi zisanu ndi ziwiri mphambu mazana atatu ndi makumi atatu kudza asanu ndi awiri; ndipo anakhala nao amuna ndi akazi oyimbira mazana awiri.

⁶⁶Akavalo ao ndiwo mazana asanu ndi awiri mphambu makumi atatu kudza asanu ndi mmodzi; nyuru zao mazana awiri mphambu makumi anai kudza zisanu;

⁶⁷ngamira zao mazana anai mphambu makumi atatu kudza asanu; aburu zikwi zisanu ndi cimodzi mphambu mazana asanu ndi awiri kudza makumi awiri.

⁶⁸Ndipo akulu ena a nyumba za makolo, pofika ku nyumba ya Yehova iri ku Yerusalemu, anapereka caufulu kwa nyumba ya Mulungu cakulimika pakuzika pace.

⁶⁹Monga momwe anakhoza anapereka ku cuma ca nchitoyi madariki agolidi: zikwi zisanu ndi cimodzi, miyeso ya siliva zikwi zisanu, ndi maraya a ansembe zana limodzi.

⁷⁰Ndipo ansembe, ndi Alevi, ndi anthu ena, ndi oyimbira, ndi odikira, ndi Anetini, anakhala m'midzi mwao, ndi Aisrayeli onse m'midzi mwao.