Read Buku Lopatulik Yobu 14 Bible Online

Yobu 14 - Buku Lopatulik bible

Yobu 14

¹Munthu wobadwa ndi mkazi Ngwa masiku owerengeka, nakhuta mabvuto,

²Aturuka ngati duwa, nafota; Athawa ngati mthunzi, osakhalitsa.

³Ndipo kodi mumtsegulira maso anu wotereyo, Ndi kunditenga kunena nane mlandu Inu?

⁴Adzaturutsa coyera m'cinthu codetsa ndani? nnena mmodzi yense.

⁵Popeza masiku ace alembedwa, ciwerengo ca miyezi yace cikhala ndi Inu, Ndipo mwamlembera malire ace, kuti asapitirirepo iye;

⁶Mumleke osamthira maso, kuti apumule, Kuti akondwere nalo tsiku lace monga wolembedwa nchito.

⁷Pakuti akaulikha mtengo pali ciyembekezo kuti udzaphukanso, Ndi kuti nthambi yace yanthete siidzasowa.

⁸Ngakhale muzu wace wakalamba m'nthaka, Ndi tsinde lace likufa pansi;

⁹Koma pa mnunkho wa madzi udzaphuka, Nudzaswa nthambi ngati womera.

¹⁰Koma munthu akufa atacita liondeonde Inde, munthu apereka mzimu wace, ndipo ali kuti?

¹¹Madzi acoka m'nyanja, Ndi mtsinje ukuphwa, nuuma;

¹²Momwemo munthu agona pansi, osaukanso; Kufikira miyamba kulibe, sadzaukanso, Kapena kuutsidwa pa tulo tace.

¹³Ha! mukadandibisa kumanda, Mukadandisunga m'tseri, mpaka wapita mkwiyo wanu. Mukadandiikira nthawi, ndi kundikumbukira.

¹⁴Atafa munthu, adzakhalanso ndi moyo kodi? Ndikadayembekeza masiku onse a nkhondo yanga, Mpaka kwafika kusandulika kwanga,

¹⁵Mukadaitana, ndipo ndikadakuyankhani; Mukadakhumba nchito ya manja anu.

¹⁶Koma tsopano muwerenga maponda mwanga; Kodi simuyang'anitsa cimo langa?

¹⁷Colakwa canga caikidwa m'thumba lokomedwa cizindikilo; Ndipo mumanga pamodzi mphulupulu zanga.

¹⁸Ndipo zoonadi, likagwa phiri, latha; Ndi thanthwe lisunthika m'malo mwace;

¹⁹Madzi anyenya miyala; Zosefukira zao zikokolola pfumbi la nthaka; Ndipo muononga ciyembekezo ca munthu.

²⁰Mumlaka cilakire, napita iye; Musintha nkhope yace, mumuuza acoke.

²¹Ana ace aona ulemu osadziwa iye; Napeputsidwa, koma osazindikira za iwo.

²²Koma thupi lace limuwawira yekha, Ndi mtima wace umliritsa yekha.