Read Buku Lopatulik Yobu 16 Bible Online

Yobu 16 - Buku Lopatulik bible

Yobu 16

¹Pamenepo Yobu anayankha, nati,

²Ndamva zambiri zotere; Inu nonse ndinu otonthoza mtima mondilemetsa.

³Kodi adzatha mau ouluzika? Kapena cikuwindula nciani kuti uyankha zotere?

⁴Inenso ndikadanena monga inu, Moyo wanu ukadakhala m'malo mwa moyo wanga, Ndikadalumikizanitsa mau akutsutsana nanu, Ndi kukupukusirani mutu wanga.

⁵Koma ndikadakulimbikitsani ndi m'kamwa mwanga, Ndi citonthozo ca milomo yanga cikadatsitsa cisoni canu.

⁶Cinkana ndinena cisoni canga sicitsika; Ndipo ndikaleka, cindicokera nciani?

⁷Koma tsopano wandilemetsa Iye; Mwapasula msonkhano wanga wonse.

⁸Kundigwira kwanu, ndiko umboni wonditsutsa, Kuonda kwanga kundiukira, kucita umboni pamaso panga.

⁹Iye ananding'amba m'kundida kwace, nakwiya nane, Anandikukutira mano; Mdani wanga ananditong'olera maso ace.

¹⁰Iwo anandiyasamira pakamwa pao; Anandiomba pama ndi kunditonza; Asonkhana pamodzi kunditsutsa.

¹¹Mulungu andipereka kwa osalungama, Nandiponya m'manja a oipa.

¹²Ndinali mkupuma, koma anandityola; Inde anandigwira pakhosi, nandiphwanya; Anandiimika ndikhale candamali.

¹³Eni mauta ace andizinga, Ang'amba imso zanga, osazileka; Natsanulira pansi ndulu yanga.

¹⁴Andipasula-pasula; Andithamangira ngati wamphamvu.

¹⁵Ndadzisokerera ciguduli ku khungu langa, Ndipo ndaipsa mphamvu yanga m'pfumbi.

¹⁶Nkhope yanga njodetsedwa ndi kulira misozi, Ndi pa zikope zanga pali mthunzi wa imfa;

¹⁷Pangakhale palibe ciwawa m'manja mwanga, Ndi pemphero langa ndi loyera.

¹⁸Dziko iwe, usakwirire mwazi wanga, Ndi kulira kwanga kusowe popumira.

¹⁹Tsopanonso, taona, mboni yanga iri kumwamba, Ndi nkhoswe yanga ikhala m'mwamba.

²⁰Mabwenzi anga andinyoza; Koma diso langa lilirira misozi kwa Mulungu;

²¹Ha! munthu akadapembedzera mnzace kwa Mulungu, Monga munthu apembedzera mnansi wace!

²²Pakuti zitafika zaka zowerengeka, Ndidzamuka ku njira imene sindibwererako.