Read Buku Lopatulik Yobu 17 Bible Online

Yobu 17 - Buku Lopatulik bible

Yobu 17

¹Mzimu wanga watha, masiku anga afafanizika, Kumanda kwandikonzekeratu.

²Zoonadi, ali nane ondiseka; Ndi diso langa liri cipenyere m'kundiwindula kwao.

³Mupatse cigwiriro tsono, mundikhalire cikole Inu nokha kwanu; Ndani adzapangana nane kundilipirira?

⁴Pakuti mwabisira mtima wao nzeru; Cifukwa cace simudzawakuza.

⁵Iye wakupereka mabwenzi ace kuukapolo, M'maso mwa ana ace mudzada.

⁶Anandiyesanso nthanthi za anthu; Ndipo ndakhala ngati munthu womthira malobvu pankhope pace.

⁷M'diso mwanga mucita cizirezire cifukwa ca cisoni, Ndi ziwalo zanga zonse ziribe cithunzi.

⁸Anthu oongoka mtima adzadabwa naco, Ndi munthu wosalakwa adzadziutsa kumtsotsa wonyoza Mulunguyo.

⁹Koma wolungama asungitsa njira yace, Ndi iye wa manja oyera adzakulabe mumphamvu.

¹⁰Koma bwerani inu nonse, idzani tsono; Pakuti sindipeza mwa inu wanzeru.

¹¹Masiku anga apitirira, zolingirira zanga zaduka, Zace zace zomwe za mtima wanga.

¹²Zisanduliza usiku ukhale usana; Kuunika kuyandikana ndi mdima.

¹³Ndikayembekezera kumanda kukhale nyumba yanga; Ndikayala pogona panga mumdima.

¹⁴Ndikati kwa dzenje, Ndiwe atate wanga; Kwa mphutsi, Ndiwe mai wanga ndi mlongo wanga;

¹⁵Ciri kuti ciyembekezo canga? Inde, ciyembekezo canga adzaciona ndani?

¹⁶Cidzatsikira ku mipingiridzo ya kumanda, Pamene tipumulira pamodzi kupfumbi.