Read Buku Lopatulik Yobu 18 Bible Online

Yobu 18 - Buku Lopatulik bible

Yobu 18

¹Pamenepo Bilidadi wa ku Suki anayankha, nati,

²Musaka mau kufikira liti? Zindikirani, ndi pamenepo tidzanena.

³Tiyesedwa bwanji ngati nyama za kuthengo, Ndi kukhala odetsedwa pamaso panu?

⁴Iwe wodzing'amba mumkwiyo mwako, Kodi dziko lapansi lisiyidwe cifukwa ca iwe? Kapena thanthwe lisunthike m'malo mwace?

⁵Inde, kuunika kwa woipa kudzazima, Ndi lawi la moto wace silidzawala.

⁶Kuunikaku kudzada m'hema mwace, Ndi nyali yace ya pamwamba pace idzazima.

⁷Mapondedwe ace amphamvu adzasautsidwa, Ndi uphungu wace wace udzamgwetsa.

⁸Pakuti aponyedwa m'ukonde ndi mapazi ace, Namaponda pamatanda.

⁹Msampha udzamgwira kucitende, Ndi khwekhwe lidzamkola.

¹⁰Msampha woponda umbisikira pansi, Ndi msampha wa cipeto panjira.

¹¹Zoopetsa zidzamcititsa mantha monsemo, Nadzampitikitsa kumbuyo kwace.

¹²Njala idzatha mphamvu yace, Ndi tsoka lidzamkonzekeratu pambali pace.

¹³Zidzatha ziwalo za thupi lace, Mwana woyamba wa imfa adzatha ziwalo zace.

¹⁴Adzazulidwa kuhema kwace kumene anakhulupirira; Nadzatengedwa kumka naye kwa mfumu ya zoopsa.

¹⁵Adzakhala m'hema mwace iwo amene sali ace; Miyala yasulfure idzawazika pokhala pace.

¹⁶Mizu yace idzauma pansi, Ndi nthambi yace idzafota m'mwamba.

¹⁷Cikumbukilo cace cidzatayika m'dziko, Ndipo adzasowa dzina kukhwalala.

¹⁸Adzamkankha acoke ku kuunika alowe kumdima; Adzampitikitsa acoke m'dziko lokhalamo anthu.

¹⁹Sadzakhala naye mwana kapena cidzukulu mwa anthu amtundu wace, Kapena wina wotsalira kumene anakhalako.

²⁰Akudza m'mbuyo adzadabwa nalo tsiku lace, Monga aja omtsogolera anagwidwa mantha.

²¹Zoonadi, zokhalamo osalungama zitero, Ndi malo a iye amene sadziwa Mulungu ndi awa.