Read Buku Lopatulik Yobu 23 Bible Online

Yobu 23 - Buku Lopatulik bible

Yobu 23

¹Koma Yobu anayankha, nati,

²Lero lomwe kudandaula kwanga kumawawa; Kulanga kwanga kuposa kubuula kwanga m'kulemera kwace.

³Ha! ndikadadziwa kumene ndikampeza Mulungu, Kuti ndifike ku mpando wace!

⁴Ndikadalongosola mlandu wanga pamaso pace, Ndikadadzaza m'kamwa mwanga ndi matsutsano.

⁵Ndikadadziwa mau akadandiyankha ine, Ndikadazindikira cimene akadanena nane.

⁶Akadatsutsana nane kodi mwa mphamvu yace yaikuru? Iai, koma akadandicherera khutu.

⁷Apo woongoka mtima akadatsutsana naye; Ndipo ndikadapulumuka cipulumukire kwa Woweruza wanga.

⁸Taonani, ndikamka m'tsogolo, kulibe Iye; Kapena m'mbuyo sindimzindikira;

⁹Akacita Iye kulamanzere, sindimpenyerera; Akabisala kulamanja, sindimuona,

¹⁰Koma adziwa njira ndilowayi; Atandiyesa ndidzaturuka ngati golidi.

¹¹Phazi langa lagwiratu moponda Iye, Ndasunga njira yace, wosapambukamo.

¹²Sindinabwerera kusiya malamulo a pa milomo yace; Ndasungitsa mau a pakamwa pace koposa lamulo langa langa.

¹³Koma Iye ndiye wa mtima umodzi, adzambweza ndani? Ndi ici cimene moyo wace ucifuna acicita.

¹⁴Pakuti adzacita condiikidwiratu; Ndipo zambiri zotere ziri ndi Iye.

¹⁵Cifukwa cace ndiopsedwa pankhope pace; Ndikalingirira, ndicita mantha ndi Iye.

¹⁶Pakuti Mulungu walefula mtima wanga, Ndi Wamphamvuyonse wandiopsa.

¹⁷Popeza sindinalikhidwa usanafike mdimawo, Ndipo sanandiphimbira nkhope yanga ndi mdima wa bii.