Read Buku Lopatulik Yobu 27 Bible Online

Yobu 27 - Buku Lopatulik bible

Yobu 27

¹Ndipo Yobu anaonjezanso mwambi wace, nati,

²Pali Mulungu, amene anandicotsera zoyenera ine, Ndi Wamphamvuyonse, amene anawawitsa moyo wanga,

³Pakuti moyo wanga wonse ukali mwa ine, Ndi mpweya wa Mulungu m'mphuno mwanga;

⁴Milomo yanga siilankhula cosalungama, Ndi lilime langa silichula zacinyengo.

⁵Sindibvomereza konse kuti muli olungama; Mpaka kufa ine sinditaya ungwiro wanga.

⁶Ndiumirira cilungamo canga, osacileka; Cikhalire moyo ine, mtima wanga sunditonza.

⁷Mdani wanga akhale ngati woipa, Ndi iye amene andiukira ngati wosalungama.

⁸Pakuti ciyembekezo ca wonyoza Mulungu nciani pomlikhatu Mulungu, Pomcotsera moyo wace?

⁹Kodi Mulungu adzamvera kupfuula kwace, ikamdzera nsautso?

¹⁰Kodi adzadzikondweretsa naze Wamphamvuyonse, Ndi kuitana kwa Mulungu nthawi zonse?

¹¹Ndidzakulangizani za dzanja la Mulungu; Cokhala ndi Wamphamvuyonse sindidzacibisa.

¹²Taonani, inu nonse munaciona; Ndipo mugwidwa nazo zopanda pace cifukwa ninji?

¹³Ili ndi gawo la munthu woipa kwa Mulungu, Ndi colowa ca akupsinja anzao acilandira kwa Wamphamvtiyonse.

¹⁴Akacuruka ana ace, ndiko kucurukira lupanga, Ndi ana ace sadzakhuta cakudya.

¹⁵Akumtsalira iye adzaikidwa muimfa, Ndi akazi ace amasiye sadzalira maliro.

¹⁶Cinkana akundika ndalama ngati pfumbi, Ndi kukonzeratu zobvala ngati dothi;

¹⁷Azikonzeretu, koma wolungama adzazibvala, Ndi wosalakwa adzagawa ndalamazo.

¹⁸Amanga nyumba yace ngati kadzoce, Ndi ngati wolindira amanga dindiro.

¹⁹Agona pansi ali wacuma, koma saikidwa; Potsegula maso ace, wafa cikomo,

²⁰Zoopsa zimgwera ngati madzi; Nkuntho umtenga usiku.

²¹Mphepo ya kum'mawa Imtenga, nacokaiye; Nimkankha acoke m'malo mwace.

²²Pakuti Mulungu adzamponyera zoopsa, osanlieka; Kuthawa akadathawa m'dzanja lace.

²³Anthu adzamuombera manja, Nadzamuyimbira mluzu acoke m'malo mwace.