Read Buku Lopatulik Yobu 3 Bible Online

Yobu 3 - Buku Lopatulik bible

Yobu 3

¹Atatero, Yobu anatsegula pakamwa pace, natemberera tsiku lace.

²Nalankhula Yobu nati,

³Litayike tsiku lobadwa ine, Ndi usikuwo udati, Waima naye mwana wamwamuna.

⁴Tsiku lija likhale mdima; Mulungu asalifunse kumwamba, Ndi kuunika kusaliwalire.

⁵Mdima ndi mthunzi wa imfa ziliyese lao lao; Mtambo ulikhalire; Zonse zodetsa usana bi ziliopse.

⁶Usiku uja, mdima weni weni uugwere; Usakondwerere mwa masiku a m'caka; Usalowe m'ciwerengedwe ca miyezi.

⁷Ha! usiku uja ukhale cumba; Kuyimbira kokondwera kusalowem'mwemo.

⁸Autemberere iwo akutemberera usana, Odziwa kuutsa cinjokaco.

⁹Nyenyezi za cizirezire zide; Uyembekezere kuunika, koma kuusowe; Usaone kuphenyuka kwa mbanda kuca;

¹⁰Popeza sunatseka pa makomo ace mimba ya mai wanga. Kapena kundibisira mabvuto pamaso panga.

¹¹Ndinalekeranji kufera m'mimba? Ndi kupereka mzimu wanga pobadwa ine?

¹²Anandilandiriranji maondo? Kapena mabere kuti ndiyamwe?

¹³Pakuti ndikadagona pansi pomwepo ndi kukhala cete; Ndikanagona tulo; pamenepo ndikadaona popumula;

¹⁴Pamodzi ndi mafumu ndi maphungu a padziko, Akudzimangira m'mabwinja;

¹⁵Kapena pamodzi ndi akalonga eni ace a golidi, Odzaza nyumba zao ndi siliva;

¹⁶Kapena ngati nsenye yobisika ndikadakhala kuli zi; Ngati makanda osaona kuunika.

¹⁷Apo oipa aleka kumabvuta; Ndi apo ofoka mphamvu akhala m'kupumula.

¹⁸Apo a m'kaidi apumula pamodzi, Osamva mau a wofulumiza wao.

¹⁹Ang'ono ndi akulu ali komwe; Ndi kapolo amasuka kwa mbuyace.

²⁰Amninkhiranji kuunika wobvutika, Ndi moyo kwa iye wakuwawa mtima,

²¹Wakuyembekezera imfa, koma kuli zi, Ndi kuikumba koposa cuma cobisika,

²²Wakusekerera ndi cimwemwe Ndi kukondwera pakupeza manda?

²³Amuonetseranji kuunika munthu wa njira yobisika, Amene wamtsekera Mulungu?

²⁴Pakuti ndikati ndidye, kumadza kuusa moyo kwanga; Ndi kudzuma kwanga kumathiridwa ngati madzi.

²⁵Pakuti cimene ndinaciopa candigwera, Ndi cimene ndacita naco mantha candidzera.

²⁶Wosakhazikika, ndi wosakhala cete, ndi wosapumula ine, Koma mabvuto anandidzera.