Read Buku Lopatulik Yobu 31 Bible Online

Yobu 31 - Buku Lopatulik bible

Yobu 31

¹Ndinapangana ndi maso anga, Potero ndipenyerenji namwali?

²Pakuti gawo la Mulungu locokera kumwamba, Ndi colowa ca Wamphamvuyonse cocokera m'mwambamo nciani?

³Si ndizo cionongeko ca wosalungama, Ndi tsoka la ocita mphulupulu?

⁴Nanga sapenyanjira zanga, Ndi kuwerenga moponda mwanga monse?

⁵Ngati ndinayanjana nalo bodza, Ndi phazi langa linathamangira cinyengo;

⁶Andiyese ndi muyeso wolingana, Kuti Mulungu adziwe ungwiro wanga.

⁷Ngati phazi langa linapambuka m'njira, Ndi mtima wanga unatsata maso anga? Ngati cirema camamatira manja anga?

⁸Ndibzale ine nadye wina, Ndi zondimerera ine zizulidwe.

⁹Ngati mtima wanga wakopeka ndi mkazi, Ngati ndalalira pa khomo la mnzanga,

¹⁰Mkazi wanga aperere wina; Wina namuike kumbuyo.

¹¹Pakuti ico ndi coipitsitsa, Ndico mphulupulu yoyenera oweruza anene mlandu wace.

¹²Pakuti ndico moto wakunyeka mpaka cionongeko, Ndi cakuzula zipatso zanga zonse.

¹³Ngati ndapeputsa mlandu wa kapolo wanga, kapena wa mdzakazi wanga, Potsutsana nane iwo,

¹⁴Ndidzatani ponyamuka Mulungu? Ndipo pondizonda Iye ndidzamyankha ciani?

¹⁵Kodi Iye amene anandilenga ine m'mimba sanamlenga iyenso? Sindiye mmodzi anatiumba m'mimba?

¹⁶Ngati ndakaniza aumphawi cifuniro cao, Kapena kutopetsa maso a amasiye,

¹⁷Kapena kudya nthongo yanga ndekha, Osadyako mwana wamasiye;

¹⁸(Pakuti kuyambira ubwana wanga analeredwa ndi ine monga ndi atate; Ndipo ndinakhala nkhoswe ya wamasiye cibadwire ine.)

¹⁹Ngati ndinaona wina alinkutayika wopanda cobvala, Kapena kuti wosowa alibe copfunda;

²⁰Ngati zuuno zace sizinandiyamika, Ngati sanapfunda ubweya wa nkhosa zanga;

²¹Ngati ndinasamulira ana amasiye dzanja langa, Popeza ndinaona thandizo langa kucipata;

²²Libanthuke phewa langa paphalo, Ndi dzanja langa liduke pagwangwa.

²³Pakuti tsoka locokera kwa Mulungu linandiopsa, Ndi cifukwa ca ukulu wace sindinakhoza kanthu,

²⁴Ngati ndayesa golidi ciyembekezo canga, Ndi kunena ndi golidi woyengetsa, Ndiwe cikhazikitso canga;

²⁵Ngati ndinakondwera popeza cuma canga ncacikuru, Ndi dzanja langa lapeza zocuruka;

²⁶Ngati ndalambira dzuwa lirikuwala, Kapena mwezi ulikuyenda monyezimira;

²⁷Ndi mtima wanga wakopeka m'tseri, Ndi pakamwa panga padapsompsona dzanja langa;

²⁸Icinso ndi mphulupulu yoyenera oweruza kunena mlandu wace; Pakuti ndikadakana Mulungu ali m'mwamba.

²⁹Ngati ndakondwera nalo tsoka la wondida, Kapena kudzitukula pompeza coipa;

³⁰Ndithu sindinalola m'kamwa mwanga mucimwe, Kupempha motemberera moyo wace.

³¹Ngati amuna a m'hema mwanga sanati, Ndani adzapeza munthu wosakhuta nyama yomgawira Yobu?

³²Mlendo sakagona pakhwalala, Koma ndinatsegulira wam'njira pakhomo panga.

³³Ngati ndakwirira zolakwa zanga monga Adamu, Ndi kubisa mphulupulu yanga m'cifuwa mwanga;

³⁴Popeza ndinaopa unyinji waukuru, Ndi cipepulo ca mapfuko cinandiopsetsa; Potero ndinakhala cete osaturuka pakhomo panga.

³⁵Ha! ndikadakhala naye wina wakundimvera, Cizindikilo canga sici, Wamphamvuyonse andiyankhe; Mwenzi ntakhala nao mau akundineneza analemberawo mdani wangal

³⁶Ndithu ndikadawasenza paphewa panga, Ndi kudzimangirira awa ngati korona.

³⁷Ndikadamfotokozera ciwerengo ca mopondamo mwanga, Ndikadamsenderera Iye ngati ka longa,

³⁸Ngati minda yanga ipfuula monditsutsa, Ndi nthumbira zace zilira pamodzi;

³⁹Ngati ndadya zipatso zace wopanda ndarama, Kapena kutayitsa eni ace moyo wao;

⁴⁰Imere minga m'malo mwa tirigu, Ndi dawi m'malo mwa barele. Mau a Yobu atha.