Read Buku Lopatulik Yobu 34 Bible Online

Yobu 34 - Buku Lopatulik bible

Yobu 34

¹Ndipo Elihu anabwereza kunena, nati,

²Tamverani mau anga, inu anzeru; Mundicherere khutu inu akudziwa.

³Pakuti khutu liyesa mau, Monga m'kamwa mulawa cakudya.

⁴Tidzisankhire coyeneraco, Tidziwe mwa tokha cokomaco.

⁵Pakuti Yobu wanena, Ine ndine wolungama, Ndipo Mulungu wandicotsera coyenera ine.

⁶Kodi ndidzinamizire? Bala langa nlosapola, ngakhale sindinalakwa.

⁷Wakunga Yobu ndani, Wakumwa mwano ngati madzi?

⁸Wakutsagana nao ocita mphulupulu, Nayendayenda nao anthu oipa.

⁹Pakuti anati, Munthu sapindula kanthu nako Kubvomerezana naye Mulu ngu.

¹⁰Cifukwa cace mundimvere ine, eni nzeru inu, Nkutali ndi Mulungu kucita coipa, Ndi Wamphamvuyonse kucita cosalungama.

¹¹Pakuti ambwezera munthu monga mwa nchito yace, Napezetsa munthu ali yense monga mwa mayendedwe ace.

¹²Ndithu zoonadi, Mulungu sangacite coipa, Ndi Wamphamvuyonse sangaipse mlandu.

¹³Anamuikiza dziko lapansi ndani? Kapena anakonzeratu dziko lonse lokhalamo anthu ndani?

¹⁴Akadzikumbukila yekha mumtima mwace, Akadzisonkhanitsira yekha mzimu wace ndi mpweya wace,

¹⁵Zamoyo zonse zidzatsirizika pamodzi, Ndi munthu adzabwerera kupfumbi.

¹⁶Ngati tsono uli nako kuzindikira, tamvera ici, Cherera khutu kunena kwanga.

¹⁷Kodi munthu woipidwa naco ciweruzo adzalamulira? Ndipo kodi utsutsa wolungama ndi wamphamvuyo kuti ngwoipa?

¹⁸Kodi kuyenera kunena kwa mfumu, Wopanda pace iwe, Kapena kwa akalonga, Oipa inu?

¹⁹Nanga kwa Iye wosasamalira nkhope za akalonga, Wosasiyanitsa pakati pa wolemera ndi wosauka? Pakuti onsewo ndiwo nchito ya manja ace.

²⁰M'kamphindi akufa, ngakhale pakati pa usiku, Anthu agwedezeka, napita, Amphamvu acotsedwa opanda dzanja lakuwacotsa.

²¹Pakuti maso ace ali pa njira ya munthu ali yense, Napenya moponda mwace monse.

²²Palibe mdima kapena mthunzi wa imfa, Kuti ocita zopanda pace abisaleko.

²³Pakuti Mulungu alibe cifukwa ca kulingiriranso za munthu, Kuti afike kwa. Iye kudzaweruzidwa.

²⁴Aphwanya eni mphamvu osaturutsa kubwalo mlandu wao, Naika ena m'malo mwao.

²⁵Pakuti asamalira nchito zao, Nawagubuduza usiku kuti aphwanyike.

²⁶Awakantha ngati oipa, Poyera pamaso pa anthu.

²⁷Popeza anapambuka, naleka kumtsata, Osasamalira njira zace ziri zonse.

²⁸M'mwemo anafikitsa kwa Iye kupfuula kwa osauka; Ndipo anamva Iye kupfuula kwa ozunzika.

²⁹Iye akapatsa mpumulo adzamtsutsa ndani? Akabisa nkhope yace adzampenyerera ndani? Cikacitika pa mtundu wa anthu, kapena pa munthu, ncimodzimodzi;

³⁰Kuti munthu wonyoza Mulungu asacite ufumu, Ndi anthu asakodwe mumsampha,

³¹Pakuti pali wina kodi anati kwa Mulungu, Ndasenza kulanga kwanu, ndingakhale sindinalakwa?

³²Cimene sindiciona mundilangize ndi Inu, Ngati ndacita cosalungama sindidzabwerezanso.

³³Kodi cilango ca Mulungu cikhale monga mucifuna inu, pakuti mucikana? Musankhe ndi inu, ine ai; M'mwemo monga mudziwa, nenani.

³⁴Anthu ozindikira adzanena nane, Inde anthu anzeru onse akundimva adzati,

³⁵Yobu alankhula wopanda kudziwa, Ndi mau ace alibe nzeru.

³⁶Mwenzi nayesedwe Yobu kufikira kutha, Cifukwa ca kuyankha kwace monga anthu amphulupulu,

³⁷Pakuti pa kucimwa kwace aonjeza kupikisana ndi Mulungu, Asansa manja pakati pa ife, Nacurukitsa maneno ace pa Mulungu.