Read Buku Lopatulik Yobu 35 Bible Online

Yobu 35 - Buku Lopatulik bible

Yobu 35

¹Ndipo Elihu anabwereza kunena, nati,

²Kodi muciyesa coyenera, Umo mukuti, Cilungamo canga ciposa ca Mulungu,

³Pakuti munena, Upindulanji naco? Posacimwa ndinapindula ciani cimene sindikadapindula pocimwa?

⁴Ndidzakuyankhani, Ndi anzanu pamodzi ndi inu.

⁵Yang'anani kumwamba, nimuone, Tapenyani mitambo yokwera yakuposa inu.

⁶Ngati mwacimwa, mumcitira Iye ciani? Zikacuruka zolakwa zanu, mumcitira Iye ciani?

⁷Mukakhala wolungama, mumninkhapo ciani? Kapena alandira ciani pa dzanja lanu?

⁸Coipa canu cikhoza kuipira munthu wonga inu, Ndi cilungamo canu cikhoza kukomera wobadwa ndi munthu.

⁹Cifukwa ca kucuruka masautso anthu anapfuula, Apfuula cifukwa ca dzanja la amphamvu.

¹⁰Koma palibe anganene, Ali kuti Mulungu Mlengi wanga, Wakupatsa nyimbo usiku;

¹¹Wakutilangiza ife koposa nyama za padziko, Wakutipatsa nzeru zoposa mbalame za m'mlengalenga?

¹²Apo apfuula, koma Iye sawayankha; Cifukwa ca kudzikuza kwa anthu oipa.

¹³Zedi Mulungu samvera zacabe, Ndi Wamphamvuyonse sazisamalira.

¹⁴Inde mungakhale munena, Sindimpenya, Mlanduwo uli pamaso pace, ndipo mumlindira.

¹⁵Ndipo tsopano popeza analibe kumzonda m'kukwiya kwace, Ndi kusamalitsa colakwa,

¹⁶Cifukwa cace Yobu anatsegula pakamwa pace mwacabe, Nacurukitsa mau opanda nzeru.