Read Buku Lopatulik Yobu 36 Bible Online

Yobu 36 - Buku Lopatulik bible

Yobu 36

¹Elihu nabwereza, nati,

²Mundilole pang'ono, ndidzakuuzani, Pakuti ndiri naonso mau akunenera Mulungu.

³Ndidzatenga nzeru zanga kutali, Ndidzabvomereza kuti Mlengi wanga ndi wolungama.

⁴Pakuti zoonadi, mau anga sali abodza, Wakudziwitsa mwangwiro ali nanu.

⁵Taonani, Mulungu ndiye mwini mphamvu, ndipo sapeputsa munthu; Mphamvu ya nzeru zace ndi yaikuru.

⁶Sasunga woipa akhale ndi moyo, Koma awaninkha ozunzikazowayenera iwo.

⁷Sawacotsera wolungama maso ace, Koma pamodzi ndi mafumu pa mpando wao Awakhazika cikhazikire, ndipo akwezeka.

⁸Ndipo akamangidwa m'nsinga, Nakakodwa ndi zingwe za mazunzo,

⁹Pamenepo awafotokozera nchito zao, Ndi zolakwa zao, kuti anacita modzikuza.

¹⁰Awatseguliranso m'khutu mwao kuti awalangize, Nawauza abwerere kuleka mphulupulu.

¹¹Akamvera ndi kumtumikira, Adzatsiriza masiku ao modala, Ndi zaka zao mokondwera.

¹²Koma akapanda kumvera adzatayika ndi lupanga, Nadzatsirizika osadziwa kanthu.

¹³Koma iwo a mtima wakunyoza Mulungu, akundika mkwiyo, Akawamanga Iye, sapfuulira.

¹⁴Iwowa akufa akali biriwiri, Ndi moyo wao utayika ngati odetsedwa.

¹⁵Apulumutsa wozunzika mwa kuzunzika kwace, Nawatsegulira m'khutu mwao mwa kupsinjika kwao.

¹⁶Inde akadakukopani mucoke posaukira, Mulowe kucitando kopanda copsinja; Ndipo zoikidwa pagome panu zikadakhala zonona ndithu.

¹⁷Koma mukadzazidwa nazo zolingirira oipa, Zolingirirazo ndi ciweruzo zidzakugwiranibe,

¹⁸Pakuti mucenjere, mkwiyo ungakunyengeni mucite mnyozo; Ndipo usakusokeretseni ukulu wa dipoli.

¹⁹Cuma canu cidzafikira kodi, kuti simudzakhala wopsinjika, Kapena mphamvu yanu yonse yolimba?

²⁰Musakhumbe usiku, Umene anthu alikhidwe m'malo mwao.

²¹Cenjerani, musaluniike kumphulupulu; Pakuti mwaisankha iyi mutazunzidwa.

²²Taonani, Mulungu acita mokwezeka mu mphamvu yace, Mphunzitsi wakunga Iye ndani?

²³Anamuikira njira yace ndani? Adzati ndani, Mwacita cosalungama?

²⁴Kumbukilani kuti mukuze nchito zace, Zimene anaziyimbira anthu.

²⁵Anthu onse azipenyerera, Anthu aziyang'anira kutali.

²⁶Taonani, Mulungu ndiye wamkuru, ndipo sitimdziwa; Ciwerengo ca zaka zace ncosasanthulika.

²⁷Pakuti akweza madontho a mvula, Akhetsa mvula ya m'nkhungu yace

²⁸Imene mitambo itsanulira, Nibvumbitsira anthu mocuruka.

²⁹Pali munthu kodi wodziwitsa mayalidwe a mitambo, Ndi kugunda kwa msasa wace?

³⁰Taonani, Iye ayala kuunika kwace pamenepo. Nabvundikira kunsi kwace kwa nyanja.

³¹Pakuti aweruza nazo mitundu ya anthu. Apatsa cakudya cocuruka.

³²Akutidwa manja ace ndi mphezi, Nailamulira igwere pofunapo Iye.

³³Kugunda kwace kulalikira za Iye, Zoweta zomwe zilota mtambo woyandikira.