Read Buku Lopatulik Yobu 37 Bible Online

Yobu 37 - Buku Lopatulik bible

Yobu 37

¹Pa icinso mtima wanga unienjemera, Nusunthika m'malo mwace.

²Mvetsetsani cibumo ca mau ace, Ndi kugunda koturuka m'kamwa mwace.

³Akumveketsa pansi pa thambo ponse, Nang'anipitsa mphezi yace ku malekezero a dziko lapansi.

⁴Mau abuma kuitsata, Agunda ndi mau a ukulu wace, Ndipo sailetsa atamveka mau ace,

⁵Mulungu agunda modabwitsa ndi mau ace, Acita zazikuru osazidziwa ife.

⁶Pakuti anena kwa cipale cofewa, Ugwe padziko. Momwemonso kwa mvula, Ndi kwa mbvumbi waukuru.

⁷Atsekereza mokhomera cizindikilo dzanja la munthu ali yense, Kuti anthu onse anawalenga adziwe.

⁸Pamenepo zirombo zilowa mobisalamo, Nizikhala m'ngaka mwao.

⁹M'cipinda mwace muturuka kabvumvulu, Ndi cisanu cifuma kumpoto.

¹⁰Mwa kupuma kwace apereka cipale, Ndi madzi acitando aundana.

¹¹Asenzetsanso mtambo wakuda bii madzi, Afunyulula mtambo wokhalamo mphezi yace;

¹²Ndipo utembenuka-tembenuka pakulangiza kwace, Kuti ucite ziri zonse aulamulira, Pa nkhope ya dziko lokhalamo anthu;

¹³Ngati aufikitsira dziko lace kulidzudzula, Kapena kulicitira cifundo.

¹⁴Tamverani ici, Yobu. Taimani, mulingirire zodabwiza za Mulungu.

¹⁵Kodi mudziwa umo Mulungu azilangizira zimenezi, Nawalitsa mphezi ya m'mtambo mwace?

¹⁶Kodi mudziwa madendekeredwe ace a mitambo, Zodabwiza za Iye wakudziwa mwangwiro?

¹⁷Kodi mudziwa umo zobvala zanu zifundira, Pamene dziko liri thuu cifukwa ca mwela?

¹⁸Kodi muyala thambo pamodzi ndi Iye, Ndilo lolimba ngati kalirole woyengeka?

¹⁹Mutilangize cimene tidzanena ndi Iye; Sitidziwa kulongosola mau athu cifukwa ca mdima.

²⁰Kodi munthu ayenera kumuuza kuti ndifuna kunena, Kapena kodi munthu adzakhumba kumezedwa?

²¹Ndipo tsopano anthu sakhoza kupenyerera kuunika pakunyezimira kuthambo, Ndi mphepo yapita ndi kuuyeretsa,

²²Kucokera kumpoto kudzera kuwala konyezimira, Mulungu ali nao ukulu woopsa.

²³Kunena za Wamphamvuyonse, sitingamsanthule; ndiye wa mphamvu yoposa; Koma mwa ciweruzo ndi cilungamo cocuruka samasautsa.

²⁴M'mwemo anthu amuopa, Iye sasamalira ali yense wanzeru mumtima.