Read Buku Lopatulik Yobu 38 Bible Online

Yobu 38 - Buku Lopatulik bible

Yobu 38

¹Pamenepo Yehova anayankha Yobu m'kabvumvulu, nati,

²Ndani uyu adetsa uphungu, Ndi mau opanda nzeru?

³Udzimangire m'cuuno tsono ngati mwamuna; Ndikufunsa, undidziwitse.

⁴Unali kuti muja ndinaika maziko a dziko lapansi? Fotokoza ngati udziwa kuzindikira.

⁵Analemba malire ace ndani, papeza udziwa? Anayesapo cingwe cace ndani?

⁶Maziko ace anakumbidwa pa ciani? Kapena anaika ndani mwala wace wa pangondya,

⁷Muja nyenyezi za m'mawa zinayimba limodzi mokondwera, Ndi ana onse a Mulungu anapfuula ndi cimwemwe?

⁸Kapena anatseka nyanja ndani ndi zitseko, Muja idakamula ngati kuturuka m'mimba,

⁹Muja ndinayesa mtambo cobvala cace, Ndi mdima wa bii nsaru yace yakulunga,

¹⁰Ndi kuilembera malire anga, Ndi kuika mipikizo ndi zitseko,

¹¹Ndi kuti, Ufike mpaka apa, osapitirirapo; Apa adzaletseka mafunde ako odzikuza?

¹²Kodi walamulira m'mawa ciyambire masiku ako, Ndi kudziwitsa mbanda kuca malo ace;

¹³Kuti agwire malekezero a dziko lapansi, Nakutumule oipa acokeko?

¹⁴Lisandulika ngati dothi lonyata pansi pa cosindikiza, Ndi zonse zibuka ngati cobvala;

¹⁵Ndi kuunika kwa oipa kuletsedwa kuti asakuone, Ndi dzanja losamulidwa lityoledwa.

¹⁶Kodi unalowa magwero a nyanja? Kodi unayendayenda pozama peni peni?

¹⁷Kodi zipata za imfa zinabvumbulukira iwe? Kapena kodi unaona zipata za mthunzi wa imfa?

¹⁸Kodi unazindikira citando ca dziko lapansi? Fotokozera, ngati ucidziwa conse.

¹⁹Iri kuti njira yomukira pokhala kuunika? Ndi mdima, pokhala pace pali kuti,

²⁰Kuti upite nao ku malire ace, Kuti uzindikire miseu ya ku nyumba yace?

²¹Udziwa, pakuti unabadwa pamenepo, Ndi masiku ako acuruka kuwerenga kwao.

²²Kodi unalowa m'zosungiramo cipale cofewa? Kapena unapenya zosungiramo matalala,

²³Amene ndiwasungira tsiku la nsautso, Tsiku lakulimbana nkhondo?

²⁴Njira iri kuti yomukira pogawikana kuunika, Kapena pomwazikira mphepo ya kum'mawa pa dziko lapansi?

²⁵Ndani anacikumbira mcera cimvula, Kapena njira ya bingu la mphezi,

²⁶Kubvumbitsa mvula pa dziko lapanda anthu, Ku cipululu kosakhala munthu,

²⁷Kukhutitsa thengo la kunkhwangwala, Ndi kuphukitsa msipu?

²⁸Kodi mvula iri naye atate? Kapena wabala ndani madontho amame?

²⁹Cipale cinaturuka m'inimba ya yani? Ndi cisanu cocokera m'mwamba anacibala ndani?

³⁰Madzi aundana ngati mwala, Ndi pamwamba pa nyanja yozama mpogwirana madzi.

³¹Kodi ungamange gulu la Nsangwe? Kapena kumasula zomangira za Akamwiniatsatana?

³²Ungaturutse kodi nyenyezi m'nyengo zao monga mwa malongosoledwe ao? Kapena kutsogolera Mlalang'amba ndi ana ace?

³³Kodi udziwa malemba a kuthambo? Ukhoza kukhazikitsa ufumu wao pa dziko lapansi?

³⁴Kodi udziwa kukwezera mau ako kumitambo, Kuti madzi ocuruka akukute?

³⁵Kodi ukhoza kutumiza mphezi kuti zimuke, Ndi kunena nawe, Tiri pano?

³⁶Ndani analonga nzeru m'mitambomo? Ndani waninkha nyenyezi yotsotsoka luntha?

³⁷Adziwa ndani kuwerenga mitambo mwanzeru, Ndi kutsanulira micenje ya kuthambo ndani,

³⁸Pokandika pfumbi, Ndi kuundana zibuma pamodzi?

³⁹Kodi ukhoza kusakira mkango waukazi nyama? Ndi kukwaniritsa cakudya ca misona,

⁴⁰Pamene ibwathama m'ngaka mwao, Nikhala mobisala kulaliramo?

⁴¹Amkonzeratu khungubwi cakudya cace ndani, Pamene ana ace apfuulira kwa Mulungu, Nauluka-uluka osowa cakudya?