Read Buku Lopatulik Yobu 5 Bible Online

Yobu 5 - Buku Lopatulik bible

Yobu 5

¹Itana tsono; pali wina wakukuyankha kodi? Ndipo udzatembenukira kwa yani wa oyera mtimawo?

²Pakuti mkwiyo umapha wopusa, Ndi nsanje imakantha wopanda pace.

³Ndinapenya wopusa woyala mizu; Koma pomwepo ndinatemberera pokhala pace.

⁴Ana ace akhala otekeseka, Napsinjika kucipata, Wopanda wina wakuwapulumutsa.

⁵Zokolola zao anjala azidya, Azitenga ngakhale kuminga, Ndi aludzu ameza cuma cao.

⁶Pakuti nsautso siituruka m'pfumbi, Ndi mabvuto saphuka m'nthaka;

⁷Koma munthu abadwira mabvuto, Monga mbaliwali zikwera ziuluzika.

⁸Koma ine ndikadafuna Mulungu, Ndikadaikira mlandu wanga Mulungu;

⁹Amene acita zazikuru ndi zosalondoleka, Zinthu zodabwiza zosawerengeka.

¹⁰Amene abvumbitsa mvula panthaka, Natumiza madzi paminda;

¹¹Kuika opeputsidwa pamalo ponyamuka, Kuti iwo a maliro akwezedwe posatekeseka.

¹²Apititsa pacabe ziwembu za ocenjerera, Kuti manja ao sakhoza kucita copangana cao.

¹³Akola eni nzeru m'kucenjerera kwao, Ndi uphungu wa opotoka mtima usonthokera pacabe,

¹⁴Iwo akomana ndi mdima pali dzuwa, Nayambasa dzuwa liri pakati pamtu monga usiku.

¹⁵Apulumutsa aumphawi ku lopanga La kukamwa kwao, ndi ku dzanja la wamphamvu.

¹⁶Potero aumphawi ali naco ciyembekezo, Ndi mphulupulu yatsekedwa pakamwa.

¹⁷Taona, wodala munthu amene Mulungu amdzudzula; Cifukwa cace usapeputsa kulanga kwa Wamphamvuyonse.

¹⁸Pakuti apweteka, namanganso mabala; Alasa, ndi manja ace omwe apoletsa.

¹⁹Adzakupulumutsa m'masautso asanu ndi limodzi; Cinkana mwa asanu ndi awiri palibe coipa cidzakukhudza.

²⁰Adzakuombola kuimfa m'njala, Ndi ku mphamvu ya lupanga m'nkhondo.

²¹Udzabisikira mkwapulo wa lilime, Sudzaciopanso cikadza cipasuko.

²²Cipasuko ndi njala udzaziseka; Ngakhale zirombo za padziko osaziopa.

²³Pakuti udzakhala ndi pangano ndi miyala ya kuthengo; Ndi nyama za kuthengo zidzakhala nawe mumtendere.

²⁴Ndipo udzapeza kuti pahema pako mpa mtendere; Nudzazonda za m'banja mwako osasowapo kanthu,

²⁵Udzapezanso kuti mbeu zako zidzacuruka, Ndi obala iwe ngati zitsamba za padziko.

²⁶Udzafika kumanda utakalamba, Monga abwera nao mtolo wa tirigu m'nyengo yace.

²⁷Taona, ici tacifunafuna, ciri catero; Ucimvere, nucidziwire wekha.