Read Buku Lopatulik Masalmo 103 Bible Online

Masalmo 103 - Buku Lopatulik bible

Masalmo 103

¹Lemekeza Yehova, moyo wanga; Ndi zonse za m'kati mwanga zilemekeze dzina lace loyera.

²Lemekeza Yehova, moyo wanga, Ndi kusaiwala zokoma zace zonse aticitirazi:

³Amene akhululukira mphulupulu zako zonse; Naciritsa nthenda zako zonse;

⁴Amene aombola moyo wako ungaonongeke; Nakubveka korona wa cifundo ndi nsoni zokoma:

⁵Amene akhutitsa m'kamwa mwako ndi zabwino; Nabweza ubwana wako unge mphungu.

⁶Yehova acitira onse osautsidwa Cilungamo ndi ciweruzo.

⁷Analangiza Mose njira zace, Ndi ana a Israyeli macitidwe ace.

⁸Yehova ndiye wa nsoni zokoma ndi wacisomo, Wosakwiya msanga, ndi wa cifundo cocuruka.

⁹Sadzatsutsana nao nthawi zanse; Ndipo sadzasunga mkwiyo wace kosatha.

¹⁰Sanaticitira monga mwa zolakwa zathu, Kapena kutibwezera monga mwa mphulupulu zathu.

¹¹Pakuti monga m'mwamba mutalikira ndi dziko lapansi, Motero cifundo cace cikulira iwo akumuopa Iye.

¹²Monga kum'mawa kutanimpha ndi kumadzulo, Momwemo anatisiyanitsira kutali zolakwa zathu.

¹³Monga atate acitira ana ace cifundo, Yehova acitira cifundo iwo akumuopa Iye.

¹⁴Popeza adziwa mapangidwe athu; Akumbukila kuti ife ndife pfumbi.

¹⁵Koma munthu, masiku ace akunga udzu; Aphuka monga duwa la kuthengo.

¹⁶Pakuti mphepo ikapitapo pakhala palibe: Ndi malo ace salidziwanso.

¹⁷Koma cifundo ca Yehova ndico coyambira nthawi yosayamba kufikira nthawi yosatha kwa iwo akumuopa Iye, Ndi cilungamo cace kufikira kwa ana a ana;

¹⁸Kwa iwo akusunga cipangano cace, Ndi kwa iwo akukumbukila malangizo ace kuwacita.

¹⁹Yehova anakhazika mpando wacifumu wace Kumwamba; Ndi ufumu wace ucita mphamvu ponsepo,

²⁰Lemekezani Yehova, inu angelo ace; A mphamvu zolimba, akucita mau ace, Akumvera liu la mau ace.

²¹Lemekezani Yehova, inu makamu ace onse; Inu atumiki ace akucita comkondweretsa Iye,

²²Lemekezani Yehova, inu, nchito zace zonse, Ponse ponse pali ufumu wace: Lemekeza Yehova, moyo wanga iwe.