Read Buku Lopatulik Masalmo 108 Bible Online

Masalmo 108 - Buku Lopatulik bible

Masalmo 108

¹Wakhazikika mtima wanga, Mulungu; Ndidzayimba, inde ndidzayimba zolemekeza, ndiko ulemerero wanga.

²Galamukani, cisakasa ndi zeze; Ndidzauka ndekha mamawa.

³Ndidzakuyamikani mwa mitundu ya anthu, Yehova: Ndipo ndidzayimba zakukulemekezani mwa anthu.

⁴Pakuti cifundo canu ncacikuru kupitirira kumwamba, Ndi coonadi canu kufikira mitambo.

⁵Kwezekani pamwamba pa thambo, Mulungu; Ndi ulemerero wanu pamwamba pa dziko lonse lapansi.

⁶Kuti okondedwa anu alanditsidwe, Pulumutsani ndi dzanja lanu lamanja ndipo mutibvomereze.

⁷Mulungu analankhula m'ciyero cace; ndidzakondwerera: Ndidzagawa Sekemu; ndidzayesa muyeso cigwa ca Sukoti.

⁸Gileadi ndi wanga: Manase ndi wanga; Ndi Efraimu ndiye mphamvu ya mutu wanga; Yuda ndiye wolamulira wanga.

⁹Moabu ndiye mkhate wanga; Pa Edomu ndidzaponya nsapato yanga; Ndidzapfuulira Filistiya,

¹⁰Adzandifikitsa ndani m'mudzi wa m'linga? Adzanditsogolera ndani ku Edomu?

¹¹Si ndinu Mulungu, amene mwatitaya Osaturuka nao magulu athu?

¹²Tithandizeni mumsauko; Pakuti cipulumutso ca munthu ndi cabe.

¹³Mwa Mulungu tidzacita molimbika mtima: Ndipo Iye adzapondereza otisautsa.