Read Buku Lopatulik Masalmo 109 Bible Online

Masalmo 109 - Buku Lopatulik bible

Masalmo 109

¹Mulungu wa cilemekezo canga, musakhale cete;

²Pakuti pakamwa pa woipa ndi pakamwa pa cinyengo pananditsegukira; Anandilankhulira ndi m'kamwa mwa bodza.

³Ndipo anandizinga ndi mau a udani, Nalimbana nane kopanda cifukwa.

⁴M'malo mwa cikondi canga andibwezera udani; Koma ine, kupemphera ndiko.

⁵Ndipo anandisenza coipa m'malo mwa cokoma, Ndi udani m'malo mwa cikondi canga.

⁶Muike munthu woipa akhale mkuru wace; Ndi mdani aime pa dzanja lamanja lace.

⁷Ponenedwa mlandu wace aturuke wotsutsika; Ndi pemphero lace likhale ngati kucimwa.

⁸Masiku ace akhale owerengeka; Wina alandire udindo wace.

⁹Ana ace akhale amasiye, Ndi mkazi wace wamasiye.

¹⁰Ana ace akhale amcirakuyenda ndi opemphapempha; Afunefune zosowa zao kucokera m'mabwinja mwao.

¹¹Wokongoletsa agwire zonse ali nazo; Ndi alendo alande za nchito yace.

¹²Pasakhale munthu wakumdtira cifundo; Kapena kucitira cokoma ana ace amasiye.

¹³Zidzukulu zace zidulidwe; Dzina lao lifafanizidwe mu mbadwo ukudza.

¹⁴Mphulupulu za makolo ace zikumbukike ndi Yehova; Ndi cimo la mai wace lisafafanizidwe.

¹⁵Zikhale pamaso pa Yehova cikhalire, Kuti adule cikumbukilo cao kucicotsera ku dziko lapansi.

¹⁶Cifukwa kuti sanakumbukila kucita cifundo, Koma analondola wozunzika ndi waumphawi, Ndi wosweka mtima, kuti awaphe.

¹⁷Inde, anakonda kutemberera, ndipo kudamdzera mwini; Sanakondwera nako kudalitsa, ndipo kudamkhalira kutali.

¹⁸Anabvalanso temberero ngati maraya, Ndipo lidamlowa m'kati mwace ngati madzi, Ndi ngati mafuta m'mafupa ace.

¹⁹Limkhalire ngati cobvala adzikuta naco, Ndi lamba limene adzimangirira nalo m'cuuno cimangirire,

²⁰Ici cikhale mphotho ya otsutsana nane yowapatsa Yehova, Ndi ya iwo akunenera coipa moyo wanga.

²¹Koma Inu, Yehova Ambuye, mucite nane cifukwa ca dzina lanu; Ndilanditseni popeza cifundo canu ndi cabwino.

²²Pakuti ine ndine wozunzika ndi waumphawi, Ndi mtima wanga walaswa m'kati mwanga.

²³Ndamuka ngati mthunzi womka m'tali Ndiingidwa kwina ndi kwina ngati dzombe.

²⁴Mabondo anga agwedezeka cifukwa ca kusala; Ndi mnofu wanga waonda posowa mafuta.

²⁵Ndiwakhaliranso cotonza; Pakundiona apukusa mutu.

²⁶Ndithandizeni Yehova, Mulungu wanga: Ndipulumutseni monga mwa cifundo canu;

²⁷Kuti adziwe kuti ici ndi dzanja lanu; Kuti Inu Yehova munacicita.

²⁸Atemberere iwowa, koma mudalitse ndinu; Pakuuka iwowa adzacita manyazi, koma mtumiki wanu adzakondwera.

²⁹Otsutsana nane abvale manyazi, Nadzikute naco cisokonezo cao ngati ndi copfunda.

³⁰Ndidzayamika Yehova kwakukuru pakamwa panga; Ndi pakati pa anthu aunyinji ndidzamlemekeza.

³¹Popeza adzaima pa dzanja lamanja la waumphawi Kumpulumutsa kwa iwo akuweruza koipa moyo wace.