Read Buku Lopatulik Masalmo 111 Bible Online

Masalmo 111 - Buku Lopatulik bible

Masalmo 111

¹Haleluya. Ndidzayamika Yehova ndi mtima wonse, Mu upo wa oongoka mtima, ndi mumsonkhano.

²Nchito za Yehova nzazikuru, Zofunika ndi onse akukondwera nazo.

³Cocita Iye nca ulemu, ndi ukuru: Ndi cilungamo cace cikhalitsa kosatha.

⁴Anacita cokumbukitsa zodabwiza zace; Yehova ndiye wa cisomo ndi nsoni zokoma.

⁵Anapatsa akumuopa Iye cakudya; Adzakumbukila cipangano cace kosatha.

⁶Anaonetsera anthu ace mphamvu ya nchito zace, Pakuwapatsa colowa ca amitundu.

⁷Nchito za manja ace ndizo caonadi ndi ciweruzo; Malangizo ace onse ndiwo okhulupirika.

⁸Acirikizika ku nthawi za nthawi, Acitika m'coonadi ndi cilunjiko,

⁹Anatumizira anthu ace cipulumutso; Analamulira cipangano cace kosatha; Dzina lace ndilo loyera ndi loopedwa.

¹⁰Kumuopa Yehova ndiko ciyambi ca nzeru; Onse akucita cotero ali naco cidziwitso cokoma; Cilemekezo cace cikhalitsa kosatha.