Read Buku Lopatulik Masalmo 115 Bible Online

Masalmo 115 - Buku Lopatulik bible

Masalmo 115

¹Kwa ife ai, Yehova, kwa ife ai, Koma kwa dzina lanu patsani ulemerero, Cifukwa ca cifundo canu, ndi coonadi canu.

²Aneneranji amitundu, Ali kuti Mulungu wao?

³Koma Mulungu wathu ndiye ali m'mwamba; Acita ciri conse cimkonda.

⁴Mafano ao ndiwo a siliva ndi golidi, Nchito za manja a anthu.

⁵Pakamwa ali napo, koma osalankhula; Maso ali nao, koma osapenya;

⁶Makutu ali nao, koma osamva; Mphuno ali nazo, koma osanunkhiza;

⁷Manja ali nao, koma osagwira; Mapazi ali nao, koma osayenda; Kapena sanena pammero pao,

⁸Adzafanana nao iwo akuwapanga; Ndi onse akuwakhulupirira,

⁹Israyeli, khulupirira Yehova: Ndiye mthandizi wao ndi cikopa cao.

¹⁰Nyumba ya Aroni, khulupirira Yehova: Ndiye mthandizi wao, ndi cikopa cao.

¹¹Inu akuopa Yehova, khulupirirani Yehova; Ndiye mthandizi wao ndi cikopa cao.

¹²Yehova watikumbukila; adzatidalitsa: Adzadalitsa nyumba ya Israyeli; Adzadalitsa nyumba ya Aroni.

¹³Adzadalitsa iwo akuopa Yehova, Ang'ono ndi akuru.

¹⁴Yehova akuonjezereni dalitso, Inu ndi ana anu.

¹⁵Odalitsika inu a kwa Yehova, Wakulenga kumwamba ndi dziko lapansi.

¹⁶Kunena za kumwamba, kumwamba ndiko kwa Yehova; Koma dziko lapansi analipereka kwa ana a anthu.

¹⁷Akufa salemekeza Yehova, Kapena ali yense wakutsikira kuli cete:

¹⁸Koma ife tidzalemekeza Yehova Kuyambira tsopano kufikira nthawi yonse. Haleluya.