Read Buku Lopatulik Masalmo 116 Bible Online

Masalmo 116 - Buku Lopatulik bible

Masalmo 116

¹Ndimkonda, popeza Yehova amamva, Mau anga ndi kupemba kwanga.

²Popeza amandicherera khutu lace, Cifukwa cace ndidzaitanira Iye masiku anga onse.

³Zingwe za imfa zinandizinga, Ndi zowawa za manda zinandigwira: Ndinapeza nsautso ndi cisoni.

⁴Pamenepo ndinaitana dzina la Yehova; Ndikuti, Yehova ndikupemphani landitsani moyo wanga.

⁵Yehova ngwa cifundo ndi wolungama; Ndi Mulungu wathu ngwa nsoni.

⁶Yehova asunga opusa; Ndidafoka ine, koma anandipulumutsa,

⁷Ubwere moyo wanga ku mpumulo wako; Pakuti Yehova anakucitira cokoma.

⁸Pakuti munalanditsa moyo wanga kuimfa, Maso anga kumisozi, Mapazi anga, ndingagwe.

⁹Ndidzayenda pamaso pa Yehova M'dziko la amoyo.

¹⁰Ndinakhulupirira, cifukwa cace ndinalankhula; Ndinazunzika kwambiri.

¹¹Pofulumizidwa mtima ndinati ine, Anthu Onse nga mabodza.

¹²Ndidzabwezera Yehova ciani Cifukwa ca zokoma zace zonse anandicitira?

¹³Ndidzanyamula cikho ca cipulumutso, Ndipo ndidzaitanira dzina la Yehova,

¹⁴Ndidzacitazowindazanga za kwa Yehova, Tsopano, pamaso pa anthu ace onse.

¹⁵Imfa ya okondedwa ace Nja mtengo wace pamaso pa Yehova.

¹⁶Ndiloleni, Yehova, indetu ndine mtumiki wanu; Ndine mtumiki wanu, mwana wa mdzakazi wanu; Mwandimasulira zondimanga,

¹⁷Ndidzapereka kwa Inu nsembe yaciyamiko, Ndipo ndidzaitanira dzina la Yehova.

¹⁸Ndidzacita zowinda zanga za kwa Yehova, Tsopano, pamaso pa anthu ace onse;

¹⁹M'mabwalo a nyumba ya Yehova, Pakati pa inu, Yerusalemu. Haleluya.