Read Buku Lopatulik Masalmo 118 Bible Online

Masalmo 118 - Buku Lopatulik bible

Masalmo 118

¹Yamikani Yehova; pakuti Iye ndiye wabwino; Pakuti cifundo cace ncosatha.

²Anene tsono Israyeli, Kuti cifundo cace ncosatha.

³Anene tsono nyumba ya Aroni, Kuti cifundo cace ncosatha.

⁴Anene tsono iwo akuopa Yehova, Kuti cifundo cace ncosatha.

⁵M'mene ndinasautsika ndinaitanira pa Yehova; Anandiyankha Dandiika motakasuka Yehova.

⁶Yehova ndi wanga; sindidzaopa; Adzandicitanji munthu?

⁷Yehova ndi wanga, mwa iwo akundithandiza; M'mwemo ndidzaona cofuna ine pa iwo akundida,

⁸Kuthawira kwa Yehova nkokoma Koposa kukhulupirira munthu.

⁹Kuthawira kwa Yehova nkokoma Koposa kukhulupirira akulu,

¹⁰Amitundu onse adandizinga, Zedi, m'dzina la Yehova ndidzawaduladula.

¹¹Adandizinga, inde, adandizinga: Indedi, m'dzinala Yehova ndidzawaduladula.

¹²Adandizinga ngati njuci; Anazima ngati moto waminga; Indedi, m'dzina la Yehova ndidzawaduladula.

¹³Kundikankha anandikankha ndikadagwa; Koma Yehova anandithandiza.

¹⁴Yehova ndiye mphamvu yanga ndi nyimbo yanga; Ndipo anakhala cipulumutso canga.

¹⁵M'mahema a olungama muli liu lakupfuula mokondwera ndi la cipulumutso:

¹⁶Dzanja lamanja la Yehova licita mwamphamvu.

¹⁷Sindidzafa koma ndidzakhala ndi moyo, Ndipo ndidzafotokozera nchito za Yehova.

¹⁸Kulanga anandilangadi Yehova: Koma sanandipereka kuimfa ai.

¹⁹Nditsegulireni zipata za cilungamo; Ndidzalowamo, ndidzayamika Yehova.

²⁰Cipata ca Yehova ndi ici; Olungama adzalowamo.

²¹Ndidzakuyamikani, popeza munandiyankha, Ndipo munakhala cipulumutso canga,

²²Mwala umene omangawo anaukana Wakhala mutu wa pangondya.

²³Ici cidzera kwa Yehova; Ncodabwiza ici pamaso pathu.

²⁴Tsiku ili ndilo adaliika Yehova; Tidzasekera ndi kukondwera m'mwemo.

²⁵Tikupemphani, Yehova, tipulumutseni tsopano; Tikupemphani, Yehova, tipindulitseni tsopano.

²⁶Wodala wakudzayo m'dzina la Yehova; Takudalitsani kocokera m'nyumba ya Yehova.

²⁷Yehova ndiye Mulungu, amene anatiunikira; Mangani nsembe ndi zingwe, ku nyanga za guwa la nsembe.

²⁸Inu ndinu Mulungu wanga, ndipo ndidzakuyamikani; Ndinu Mulungu wanga, ndidzakukwezani.

²⁹Yamikani Yehova, pakuti Iye ndiye wabwino, Pakuti cifundo cace ncosatha.