Read Buku Lopatulik Masalmo 119 Bible Online

Masalmo 119 - Buku Lopatulik bible

Masalmo 119

¹Odala angwiro m'mayendedwe ao, Akuyenda m'cilamulo ca Yehova.

²Odala iwo akusunga mboni zace, Akumfuna ndi mtima wonse;

³Inde, sacita cosalungama; Ayenda m'njira zace.

⁴Inu munatilamulira. Tisamalire malangizo anu ndi cangu,

⁵Ha! mwenzi zitakhazikika njira zanga Kuti ndisamalire malemba anu.

⁶Pamenepo sindidzacita manyazi, Pakupenyerera malamulo anu onse.

⁷Ndidzakuyanrikani ndi mtima woongoka, Pakuphunzira maweruzo anu olungama.

⁸Ndidzasamalira malemba anu: Musandisiye ndithu.

⁹Mnyamata adzayeretsa mayendedwe ace bwanji? Akawasamalira monga mwa mau anu.

¹⁰Ndinakufunani ndi mtima wanga wonse; Ndisasokere kusiyana nao malamulo anu.

¹¹Ndinawabisa mau anu mumtima mwanga, Kuti ndisalakwire Inu.

¹²Inu ndinu wodala Yehova; Ndiphunzitseni malemba anu.

¹³Ndinafotokozera ndi milomo yanga Maweruzo onse a pakamwa panu,

¹⁴Ndinakondwera m'njira ya mboni zanu, Koposa ndi cuma conse,

¹⁵Ndidzalingirira pa malangizo anu, Ndi kupenyerera mayendedwe anu.

¹⁶Ndidzadzikondweretsa nao malemba anu; Sindidzaiwala mau anu,

¹⁷Mucitire cokoma mtumiki wanu kuti ndikhale ndi moyo; Ndipo ndidzasamalira mau anu.

¹⁸Munditsegulire maso, kuti ndipenye Zodabwiza za m'cilamulo canu.

¹⁹Ine ndine mlendo pa dziko lapansi; Musandibisire malamulo anu.

²⁰Mtima wanga wasweka ndi kukhumba Maweruzo anu nyengo zonse.

²¹Munadzudzula odzikuza otembereredwa, Iwo akusokera kusiyana nao malamulo anu.

²²Mundicotsere cotonza, ndi cimpepulo; Pakuti ndinasunga mboni zanu.

²³Nduna zomwe zinakhala zondineneza; Koma mtumiki wanu analingirira malemba anu.

²⁴Mboni zanu zomwe ndizo zondikondwetsa, Ndizo zondipangira nzeru.

²⁵Moyo wanga umamatika ndi pfumbi; Mundipatse moyo monga mwa mau anu.

²⁶Ndinafotokozera njira zanga, ndipo munandiyankha: Mundiphunzitse malemba anu.

²⁷Mundizindikiritse njira ya malangizo anu; Kuti ndilingalire zodabwiza zanu.

²⁸Moyo wanga wasungunuka ndi cisoni: Mundilimbitse monga mwa mau anu.

²⁹Mundicotsere njira ya cinyengo; Nimundipatse mwacifundo cilamulo canu.

³⁰Ndinasankha njira yokhulupirika; Ndinaika maweruzo anu pamaso, panga,

³¹Ndimamatika nazo mboni zanu; Musandicititse manyazi, Yehova.

³²Ndidzathamangira njira ya malamulo anu, Mutakulitsa mtima wanga.

³³Mundiphunzitse, Yehova, njira ya malemba anu; Ndidzaisunga kufikira kutha kwace.

³⁴Mundizindikiritse, ndipo ndidzasunga malamulo anu; Ndidzawasamalira ndi mtima wanga wonse.

³⁵Mundiyendetse mopita malamulo anu; Pakuti ndikondwera m'menemo.

³⁶Lingitsani mtima wanga ku mboni zanu, Si ku cisiriro ai.

³⁷Mucititse mlubza maso anga ndisapenye zacabe, Mundipatse moyo mu njira yanu.

³⁸Limbitsirani mtumiki wanu mau anu, Ndiye wodzipereka kukuopani.

³⁹Mundipatutsire cotonza canga ndiciopaco; Popeza maweruzo anu ndi okoma.

⁴⁰Taonani, ndinalira malangizo anu; Mundipatse moyo mwa cilungamo canu.

⁴¹Ndipo cifundo canu cindidzere, Yehova, Ndi cipulumutso canu, monga mwa mau anu.

⁴²Kuti ndikhale nao mau akuyankha wonditonza; Popeza ndikhulupirira mau anu.

⁴³Ndipo musandicotsere ndithu mau a coonadi pakamwa panga; Pakuti ndinayembekeza maweruzo anu.

⁴⁴Potero ndidzasamalira malamulo anu cisamalire Ku nthawi za nthawi.

⁴⁵Ndipo ndidzayenda mwaufulu; Popeza ndinafuna malangizo anu.

⁴⁶Ndidzalankhulanso za umboni wanu pamaso pa mafumu, Osacitapo manyazi.

⁴⁷Ndipo ndidzadzikondweretsa nao malamulo anu, Amene ndiwakonda.

⁴⁸Ndidzakwezanso manja anga ku malamulo anu, amene ndiwakonda; Ndipo ndidzalingalira pa malemba anu.

⁴⁹Kumbukilani mau a kwa mtumiki wanu, Amene munandiyembekezetsa nao.

⁵⁰Citonthozo canga m'kuzunzika kwanga ndi ici; Pakuti mau anu anandipatsa moyo.

⁵¹Odzikuza anandinyoza kwambiri: Koma sindinapatukanso naco cilamulo canu.

⁵²Ndinakumbukila maweruzo anu kuyambira kale, Yehova, Ndipo ndinadzitonthoza.

⁵³Ndinasumwa kwakukuru, Cifukwa ca oipa akusiya cilamulo canu.

⁵⁴Malemba anu anakhala nyimbo zanga M'nyumba ya ulendo wanga,

⁵⁵Usiku ndinakumbukila dzina lanu, Yehova, Ndipo ndinasamalira cilamulo canu.

⁵⁶Ici ndinali naco, Popeza ndinasunga malangizo anu.

⁵⁷Yehova ndiye gawo langa: Ndinati ndidzasunga mau anu.

⁵⁸Ndinapemba pankhope panu ndi mtima wanga wonse: Mundicitire cifundo monga mwa mau anu.

⁵⁹Ndinaganizira njira zanga, Ndipo ndinabweza mapazi anga atsate mboni zanu.

⁶⁰Ndinafulumira, osacedwa, Kusamalira malamulo anu.

⁶¹Anandikulunga nazo zingwe za oipa; Koma sindinaiwala cilamulo canu.

⁶²Pakati pa usiku ndidzauka kukuyamikani Cifukwa ca maweruzo anu olungama.

⁶³Ine ndine wakuyanjana nao onse akukuopani, Ndi iwo akusamalira malangizo anu.

⁶⁴Dziko lapansi lidzala naco cifundo canu, Yehova; Mundiphunzitse malemba anu.

⁶⁵Munacitira mtumiki wanu cokoma, Yehova, Monga mwa mau anu.

⁶⁶Mundiphunzitse cisiyanitso ndi nzeru; Pakuti ndinakhulupirira malamulo anu.

⁶⁷Ndisanazunzidwe ndinasokera; Koma tsopano ndisamalira mau anu.

⁶⁸Inu ndinu wabwino, ndi wakucita zabwino; Mundiphunzitse malemba anu.

⁶⁹Odzikuza anandipangira bodza: Ndidzasunga malangizo anu ndi mtima wanga wonse.

⁷⁰Mtima wao unona ngati mafuta; Koma ine ndikondwera naco cilamulo canu.

⁷¹Kundikomera kuti ndinazunzidwa; Kuti ndiphunzire malemba anu.

⁷²Cilamulo ca pakamwa panu cindikomera Koposa golidi ndi siliva zikwi zikwi.

⁷³Manja anu anandilenga nandiumba; Mundizindikiritse, kuti ndiphunzire malemba anu.

⁷⁴Iwo amene akuopani adzandiona ine nadzakondwera; Popeza ndayembekezera mau anu;

⁷⁵Ndidziwa kuti maweruzo anu ndiwo olungama, Yehova, Ndi kuti munandizunza ine mokhulupirika.

⁷⁶Cifundo canu cikhaletu cakunditonthoza, ndikupemphani, Monga mwa mau anu kwa mtumiki wanu.

⁷⁷Nsoni zokoma zanu zindidzere, kuti ndikhale ndi moyo; Popeza cilamulo canu cindikondweretsa.

⁷⁸Odzikuza acite manyazi, popeza anandicitira monyenga ndi bodza: Koma ine ndidzalingalira malangizo anu.

⁷⁹Iwo akuopa Inu abwere kwa ine, Ndipo adzadziwa mboni zanu.

⁸⁰Mtima wanga ukhale wangwiro m'malemba anu; Kuti ndisacite manyazi.

⁸¹Moyo wanga unakomoka ndi kukhumba cipulumutso canu: Ndinayembekezera mau anu.

⁸²Maso anga anatha mphamvu ndi kukhumba mau anu, Ndikuti, Mudzanditonthoza liti?

⁸³Popeza ndakhala ngati thumba lofukirira; Koma sindiiwala malemba anu.

⁸⁴Masiku a mtumiki wanu ndiwo angati? Mudzaweruza liti iwo akundilondola koipa?

⁸⁵Odzikuza anandikumbira mbuna, Ndiwo osasamalira cilamulo canu.

⁸⁶Malamulo anu onse ngokhulupirika; Andilondola nalo bodza; ndithandizeni.

⁸⁷Akadandithera pa dziko lapansi; Koma ine sindinasiya malangizo anu.

⁸⁸Mundipatse moyo monga mwa cifundo canu; Ndipo ndidzasamalira mboni ya pakamwa panu,

⁸⁹Mau anu aikika kumwamba, Kosatha, Yehova.

⁹⁰Cikhulupiriko canu cifikira mibadwo mibadwo; Munakhazikitsa dziko lapansi, ndipo likhalitsa.

⁹¹Kunena za maweruzo anu alimbikira kufikira lero; Pakuti onsewa ndiwo atumiki anu.

⁹²Cilamulo canu cikadapanda kukhala cikondweretso canga, Ndikadatayika m'kuzunzika kwanga.

⁹³Sindidzaiwala malangizo anu nthawi zonse; Popeza munandipatsa nao moyo.

⁹⁴Ine ndine wanu, ndipulumutseni Pakuti ndinafuna malangizo anu.

⁹⁵Oipa anandilalira kundiononga; Koma ndizindikira mboni zanu.

⁹⁶Ndinapenya malekezero ace a ungwiro wonse; Koma lamulo lanu ndi lotakasuka ndithu.

⁹⁷Ha! Ndikondadi cilamulo canu; Ndilingiriramo ine tsiku lonse.

⁹⁸Malamulo anu andipatsa nzeru yakuposa adani anga; Pakuti akhala nane cikhalire.

⁹⁹Ndiri nayo nzeru yakuposa aphunzitsi anga onse; Pakuti ndilingalira mboni zanu.

¹⁰⁰Ndizindikira koposa okalamba Popeza ndinasunga malangizo anu.

¹⁰¹Ndinaletsa mapazi anga njira iri yonse yoipa, Kuti ndisamalire mau anu.

¹⁰²Sindinapatukana nao maweruzo anu; Pakuti Inu munandiphunzitsa.

¹⁰³Mau anu azunadi powalawa ine! Koposa uci m'kamwa mwanga.

¹⁰⁴Malangizo anu andizindikiritsa; Cifukwa cace ndidana nao mayendedwe onse acinyengo,

¹⁰⁵Mau anu ndiwo nyali ya ku mapazi anga, Ndi kuunika kwa panjira panga,

¹⁰⁶Ndinalumbira, ndipo ndinatsimikiza mtima, Kuti ndidzasamalira maweruzo anu olungama.

¹⁰⁷Ndazunzika kwambiri: Ndipatseni moyo, Yehova, monga mwa mau anu.

¹⁰⁸Landirani, Yehova, zopereka zaufulu za pakamwa panga, Ndipo ndiphunzitseni maweruzo anu.

¹⁰⁹Moyo wanga ukhala m'dzanja langa cikhalire; Koma sindiiwala cilamulo canu.

¹¹⁰Oipa anandichera msampha; Koma sindinasokera m'malangizo anu.

¹¹¹Ndinalandira mboni zanu zikhale colandira cosatha; Pakuti ndizo zokondweretsa mtima wanga.

¹¹²Ndinalingitsa mtima wanga ucite malemba anu, Kosatha, kufikira cimatiziro.

¹¹³Ndidana nao a mitima iwiri; Koma ndikonda cilamulo canu.

¹¹⁴Inu ndinu pobisalapo panga, ndi cikopa canga; Ndiyembekezera mau anu.

¹¹⁵Mundicokere ocita zoipa inu; Kuti ndisunge malamulo a Mulungu wanga.

¹¹⁶Mundicirikize monga mwa mau anu, kuti ndikhale ndi moyo; Ndipo ndisacite manyazi pa ciyembekezo canga.

¹¹⁷Mundigwirizize ndipo ndidzapulumutsidwa, Ndipo ndidzasamalira malemba anu cisamalire.

¹¹⁸Mupepulaonseakusokeram'malemba anu; Popeza cinyengo cao ndi bodza.

¹¹⁹Mucotsa oipa onse a pa dziko lapansi ngati mphala: Cifukwa cace ndikonda mboni zanu.

¹²⁰Thupi langa linjenjemera ndi kuopa Inu; Ndipo ndicita mantha nao maweruzo anu.

¹²¹Ndinacita ciweruzo ndi cilungamo; Musandisiyira akundisautsa.

¹²²Mumkhalire cikole mtumiki wanucimkomere; Odzikuza asandisautse.

¹²³Maso anga anatha mphamvu pafuna cipulumutso canu, Ndi mau a cilungamo canu.

¹²⁴Mucitire mtumiki wanu monga mwa cifundo canu, Ndipo ndiphunzitseni malemba anu,

¹²⁵Ine ndine mtumiki wanu, ndizindikiritseni; Kuti ndidziwe mboni zanu.

¹²⁶Yafika nyengo yakuti Yehova acite kanthu; Pakuti anaswa cilamulo canu.

¹²⁷Cifukwa cace ndikonda malamulo anu Koposa golidi, Inde golidi woyengeka,

¹²⁸Cifukwa cace ndiyesa ngolunjika malangizo anu onse akunena zonse; Koma ndidana nazo njira zonse zonyenga.

¹²⁹Mboni zanu nzodabwiza; Cifukwa cace moyo wanga uzisunga,

¹³⁰Potsegulira mau anu paunikira; Kuzindikiritsa opusa.

¹³¹Ndinatsegula pakamwa panga, ndi kupuma wefu wefu; Popeza ndinakhumba malamulo anu.

¹³²Munditembenukire, ndi kundicitira cifundo, Monga mumatero nao akukonda dzina lanu.

¹³³Kfiazikitsanimapaziangam'mau anu; Ndipo zisandigonjetse zopanda pace ziri zonse.

¹³⁴Mundiombole ku nsautso ya munthu: Ndipo ndidzasamalira malangizo anu.

¹³⁵Muwalitse nkhope yanu pa mtumiki wanu; Ndipo mundiphunzitse malemba anu.

¹³⁶Maso anga atsitsa mitsinje ya madzi, Popeza sasamalira cilamulo canu.

¹³⁷Inu ndinu wolungama, Yehova, Ndipo maweruzo anu ndiwo olunjika.

¹³⁸Mboni zanuzo mudazilamulira Ziri zolungama ndi zokhulupirika ndithu.

¹³⁹Cangu canga cinandithera, Popeza akundisautsa anaiwala mau anu.

¹⁴⁰Mau anu ngoyera ndithu; Ndi mtumiki wanu awakonda.

¹⁴¹Wamng'ono ine, ndi wopepulidwa; Koma sindiiwala malemba anu.

¹⁴²Cilungamo canu ndico cilungamo cosatha; Ndi cilamulo canu ndico coonadi.

¹⁴³Kusautsika ndi kupsinjika kwandigwera; Koma malamulo anu ndiwo ondikondweretsa ine.

¹⁴⁴Mboni zanu ndizo zolungama kosatha; Mundizindikiritse izi, ndipo ndidzakhala ndi moyo.

¹⁴⁵Ndinaitana ndi mtima wanga wonse; mundiyankhe, Yehova; Ndidzasunga malemba anu.

¹⁴⁶Ndinaitanira Inu; ndipulumutseni, Ndipo ndidzasamalira mboni zanu.

¹⁴⁷Ndinapfuula kusanace: Ndinayembekezera mau anu.

¹⁴⁸Maso anga anakumika malonda a usiku, Kuti ndilingirire mau anu.

¹⁴⁹Imvani liu langa monga mwa cifundo canu; Mundipatse moyo monga mwa kuweruza kwanu, Yehova.

¹⁵⁰Otsata zaciwembu andiyandikira; Akhala kutali ndi cilamulo canu.

¹⁵¹Inu muli pafupi, Yehova; Ndipo malamulo anu onse ndiwo coonadi,

¹⁵²Kuyambira kale ndinadziwa mu mboni zanu, Kuti munazikhazika kosatha,

¹⁵³Penyani kuzunzika kwanga, nimundilanditse; Pakuti sindiiwala cilamulo canu.

¹⁵⁴Mundinenere mlandu wanga, nimundiombole; Mundipatse moyo monga mwa mau anu.

¹⁵⁵Cipulumutso citalikira oipa; Popeza safuna malemba anu.

¹⁵⁶Zacifundo zanu ndi zazikuru, Yehova; Mundipatse moyo monga mwa maweruzo anu.

¹⁵⁷Ondilondola ndi ondisautsa ndiwoambiri; Koma sindinapatukana nazo mboni zanu.

¹⁵⁸Ndinapenya ocita monyenga, ndipo ndinanyansidwa nao; Popeza sasamalira mau anu.

¹⁵⁹Penyani kuti ndikonda malangizo anu; Mundipatse moyo, Yehova, monga mwa cifundo canu.

¹⁶⁰Ciwerengero ca mau anu ndico coonadi; Ndi maweruzo anu olungama onse akhala kosatha.

¹⁶¹Nduna zinandilondola kopanda cifukwa; Koma mtima wanga ucita mantha nao mau anu.

¹⁶²Ndikondwera nao mau anu, Ngati munthu wakupeza zofunkha zambiri.

¹⁶³Ndidana nalo bodza ndi kunyansidwa nalo; Koma ndikonda cilamulo canu.

¹⁶⁴Ndikulemekezani kasanu ndi kawiri, tsiku limodzi, Cifukwa ca maweruzo anu alungama.

¹⁶⁵Akukonda cilamulo canu ali nao mtendere wambiri; Ndipo alibe cokhumudwitsa.

¹⁶⁶Ndinayembekeza cipulumutso canu, Yehova, Ndipo ndinacita malamulo anu.

¹⁶⁷Moyo wanga unasamalira mboni zanu; Ndipo ndizikonda kwambiri.

¹⁶⁸Ndinasamalira malangizo anu ndi mboni zanu; Popeza njira zanga zonse ziri pamaso panu,

¹⁶⁹Kupfuula kwanga kuyandikire pamaso pano, Yehova; Mundizindikiritse monga mwa mau anu.

¹⁷⁰Kupemba kwanga kudze pamaso panu; Mundilanditse monga mwa mau anu.

¹⁷¹Milomo yanga iturutse cilemekezo; Popeza mundiphunzitsa malemba anu.

¹⁷²Lilime langa liyimbire mau anu; Pakuti malamulo anu onse ndiwo olungama.

¹⁷³Dzanja lanu likhale lakundithandiza Popezandinasankha malangizo anu.

¹⁷⁴Ndinakhumba cipulumutso canu, Yehova; Ndipo cilamulo canu ndico condikondweretsa.

¹⁷⁵Mzimu wanga ukhale ndi moyo, ndipo udzakulemekezani; Ndipo maweruzo anu andithandize.

¹⁷⁶Ndinasocera ngati nkhosa yotayika; funani mtumiki wanu; Pakuti sindiiwala malamulo anu.