Read Buku Lopatulik Masalmo 132 Bible Online

Masalmo 132 - Buku Lopatulik bible

Masalmo 132

¹Yehova, kumbukilani Davide Kuzunzika kwace konse;

²Kuti analumbira Yehova, Nawindira Wamphamvuyo wa Yakobo, ndi kuti,

³Ngati ndidzalowa pakhomo pa nyumba yanga, Ngati ndidzakwera pa kama logonapo;

⁴Ngati ndidzalola maso anga agone, Kapena zikope zanga ziodzere;

⁵Kufikira nditapezera Yehova malo, Cokhalamo Wamphamvuyo wa Yakobo?

⁶Taonani, tinacimva m'Efrata; Tinacipeza ku cidikha ca kunkhalango.

⁷Tidzalowa mokhalamo Iye; Tidzagwadira ku mpando wa mapazi ace.

⁸Ukani, Yehova, lowani ku mpumulo wanu; Inu ndi hema wa mphamvu yanu,

⁹Ansembe anu abvale cilungamo; Ndi okondedwa anu apfuule mokondwera.

¹⁰Cifukwa ca Davide mtumiki wanu Musabweze nkhope ya wodzozedwa wanu.

¹¹Yehova analumbira Davide zoona; Sadzalibweza; ndi kuti, Wa iwo okhala zipatso za thupi lako ndidzaika pa mpando wacifumu wako.

¹²Ana ako akasunga cipangano canga Ndi mboni yanga imene ndidzawaphunzitsa, Ana aonso adzakhala pa mpando wanu ku nthawi zonse,

¹³Pakuti Yehova anasankha Ziyoni; Analikhumba likhale pokhala pace; ndi kuti,

¹⁴Pampumulo panga mpano posatha: Pano ndidzakhala; pakuti ndakhumbapo.

¹⁵Ndidzadalitsatu cakudya cace; Aumphawi ace ndidzawakhutitsa ndi mkate.

¹⁶Ndipo ansembe ace ndidzawabveka ndi cipulumutso: Ndi okondedwa ace adzapfuulitsa mokondwera.

¹⁷Apo ndidzaphukitsira Davide nyanga; Ndak onzeraru wodzozedwa wanga nyali.

¹⁸Ndidzawabvekaadani ace ndi manyazi Koma pa iyeyu korona wace adzambveka.