Read Buku Lopatulik Masalmo 135 Bible Online

Masalmo 135 - Buku Lopatulik bible

Masalmo 135

¹Haleluya; Lemekezani dzina la Yehova; Lemekezani inu atumiki a Yehova:

²Inu akuimirira m'nyumba ya Yehova, M'mabwalo a nyumba ya Mulungu wathu.

³Lemekezani Yehova; pakuti Yehova ndiye wabwino; Muyimbire zolemekeza dzina lace; pakuti nkokondweretsa kutero.

⁴Pakuti Yehova anadzisankhira Yakobo, Israyeli, akhale cuma cace ceni ceni.

⁵Pakuti ndidziwa kuti Yehova ndi wamkuru, Ndi Ambuye wathu aposa milungu yonse.

⁶Ciri conse cimkonda Yehova acicita, Kumwamba ndi pa dziko lapansi, m'nyanja ndi mozama monse.

⁷Akweza mitambo icokere ku malekezero a dziko lapansi; Ang'animitsa mphezi zidzetse mvula; Aturutsa mphepo mosungira mwace.

⁸Anapanda oyamba a Aigupto, Kuyambira munthu kufikira zoweta.

⁹Anatumiza zizindikilo ndi zodabwiza pakati pako, Aigupto iwe, Pa Farao ndi pa omtumikira onse.

¹⁰Ndiye amene anapanda amitundu ambiri. Napha mafumu amphamvu;

¹¹Sihoni mfumu ya Aamori, Ndi Ogi mfumu ya Basana, Ndi maufumu onse a Kanani:

¹²Ndipo anapereka dziko lao likhale cosiyira, Cosiyira ca kwa Israyeli anthu ace.

¹³Dzina lanu, Yehova, likhala kosatha; Cikumbukilo canu, Yehova, kufikira mibadwo mibadwo.

¹⁴Pakuti Yehova adzaweruza anthu ace, Koma adzaleka atumiki ace.

¹⁵Mafano a amitundu ndiwo siliva ndi golidi, Nchito ya manja a anthu.

¹⁶Pakamwa ali napo koma osalankhula; Maso ali nao, koma osapenya;

¹⁷Makutu ali nao, koma osamva; Inde, pakamwa pao palibe mpweya.

¹⁸Akuwapanga adzafanana nao; Inde, onse akuwakhulupirira.

¹⁹A nyumba ya Israyeli inu, lemekezani Yehova: A nyumba ya Aroni inu, lemekezani Yehova:

²⁰A nyumba ya Levi inu, lemekezani Yehova: Inu akuopa Yehova, lemekezani Yehova.

²¹Alemekezedwe Yehova kucokera m'Ziyoni, Amene akhala m'Yerusalemu. Haleluya,