Read Buku Lopatulik Masalmo 136 Bible Online

Masalmo 136 - Buku Lopatulik bible

Masalmo 136

¹Yamikani Yehova pakuti ndiye wabwino: Pakuti cifundo cace ncosatha.

²Yamikani Mulungu wa milungu: Pakuti cifundo cace ncosatha.

³Yamikani Mbuye wa ambuye: Pakuti cifundo cace ncosatha.

⁴Amene yekha acita zodabwiza zazikuru: Pakuti cifundo cace ncosatha.

⁵Amene analenga zakumwamba mwanzeru: Pakuti cifundo cace ncosatha.

⁶Amene anayala dziko lapansi pamwamba pa madzi: Pakuti cifundo cace ncosatha.

⁷Amene analenga miuni yaikuru: Pakuti cifundo cace ncosatha.

⁸Dzuwa liweruze usana: Pakuti cifundo cace ncosatha.

⁹Mwezi ndi nyenyezi ziweruze usiku; Pakuti cifundo cace ncosatha.

¹⁰Iye amene anapandira Aaigupto ana ao oyamba: Pakuti cifundo cace ncosatha.

¹¹Naturutsa Israyeli pakati pao; Pakuti cifundo cace ncosatha.

¹²Ndi dzanja lamphamvu, ndi mkono wotambasuka: Pakuti cifundo cace ncosatha.

¹³Amene anagawa magawo Nyanja Yofiira: Pakuti cifundo cace ncosatha.

¹⁴Napititsa Israyeli pakati pace; Pakuti cifundo cace ncosatha.

¹⁵Nakhutula Farao ndi khamu lace m'Nyanja Yofiira: Pakuti cifundo cace ncosatha.

¹⁶Amene anatsogolera anthu ace m'cipululu: Pakuti cifundo cace ncosatha.

¹⁷Amene anapanda mafumu akulu: Pakuti cifundo cace ncosatha,

¹⁸Ndipo anawapha mafumu omveka: Pakuti cifundo cace ncosatha.

¹⁹Sihoni mfumu ya Aamori; Pakuti cifundo cace ncosatha.

²⁰Ndi ogi mfumu ya Basana: Pakuti cifundo cace ncosatha.

²¹Ndipo anaperekadzikolaolikhale cosiyira; Pakuti cifundo cace ncosatha.

²²Cosiyira ca kwa Israyeli mtumiki wace; Pakuti cifundo cace ncosatha.

²³Amene anatikumbukila popepuka ife; Pakuti cifundo cace ncosatha.

²⁴Natikwatula kwa otisautsa; Pakuti cifundo cace ncosatha.

²⁵Ndiye wakupatsa nyama zonse cakudya; Pakuti cifundo cace ncosatha.

²⁶Yamikani Mulungu wa kumwamba, Pakuti cifundo cace ncosatha.