Read Buku Lopatulik Masalmo 139 Bible Online

Masalmo 139 - Buku Lopatulik bible

Masalmo 139

¹Munandisanthula, Yehova, nimundidziwa.

²Inumudziwakukhalakwangandi kuuka kwanga, Muzindikira lingaliro langa muli kutali.

³Muyesa popita ine ndi pogona ine, Ndi njira zanga zonse muzolowerana nazo.

⁴Pakuti asanafike mau pa lilime langa, Taonani, Yehova, muwadziwa onse.

⁵Munandizinga kumbuyo ndi kumaso, Nimunaika dzanja lanu pa ine.

⁶Kudziwa ici kundilaka ndi kundidabwiza: Kundikhalira patali, sindifikirako.

⁷Ndidzapita kuti kuzembera mzimu wanu? Kapena ndidzathawira kuti kuzembera nkhope yanu?

⁸Ndikakwera kumka kumwamba, muli komweko; Kapena ndikadziyalira ku Gehena, taonani, muli komweko.

⁹Ndikadzitengera mapiko a mbanda kuca, Ndi kukhala ku malekezero a nyanja;

¹⁰Kungakhale komweko dzanja lanu lidzanditsogolera, Nilidzandigwira dzanja lanu lamanja.

¹¹Ndipo ndikati, Koma mdima undiphimbe, Ndi kuunika kondizinga kukhale usiku:

¹²Ungakhale mdima sudetsa pamaso panu, Koma usiku uwala ngati usana: Mdima ukunga kuunika.

¹³Pakuti Inu munalenga imso zanga; Munandiumba ndisanabadwe ine.

¹⁴Ndikuyamikani cifukwa kuti cipangidwe canga ncoopsa ndi codabwiza; Nchito zanu nzodabwiza; Moyo wanga ucidziwa ici bwino ndithu.

¹⁵Thupi langa silinabisikira Inu popangidwa ine mobisika, Poombedwa ine monga m'munsi mwace mwa dziko lapansi.

¹⁶Ndisanaumbidwe ine maso anu anandipenya, Ziwalo zanga zonse zinalembedwa m'buku mwanu, Masiku akuti ziumbidwe, Pakalibe cimodzi ca izo.

¹⁷Potero, Mulungu, ndiziyesa zolingalira zanu za mtengo wace ndithu! Mawerengedwe ace ndi ambirimbiri!

¹⁸Ndikaziwerenga zicuruka koposa mcenga: Ndikauka ndikhalanso nanu.

¹⁹Indedi, mudzaomba woipa, Mulungu: Ndipo amuna inu nkhumba mwazi, cokani kwa ine.

²⁰Popeza anena za Inu moipa, Ndi adani anu achula dzina lanu mwacabe.

²¹Kodi sindidana nao iwo akudana ndi Inu, Yehova? Ndipo kodi sindimva nao cisoni iwo akuukira Inu?

²²Ndidana nao ndi udani weni weni: Ndiwayesa adani.

²³Mundisanthule, Mulungu, nimudziwe mtima wanga; Mundiyese nimudziwe zolingalira zanga.

²⁴Ndipo mupenye ngati ndiri nao mayendedwe oipa, Nimunditsogolere pa njira yosatha.