Read Buku Lopatulik Masalmo 140 Bible Online

Masalmo 140 - Buku Lopatulik bible

Masalmo 140

¹Ndilanditseni, Yehova, kwa munthu woipa; Ndisungeni kwa munthu waciwawa;

²Amene adzipanga zoipa mumtima mwao; Masiku onse amemeza nkhondo.

³Anola lilime lao ngati njoka; Pansi pa milomo yao pali ululu wa mphiri.

⁴Ndilindireni Yehova, ndisalowe m'manja mwa woipa; Ndisungeni kwa munthu waciwawa; Kwa iwo akuti akankhe mapazi anga.

⁵Odzikuzaanandichera msampha, nandibisira zingwe; Anacha ukonde m'mphepete mwa njira; Anandichera makwekwe.

⁶Ndinati kwa Yehova, Inu ndinu Mulungu wanga; Mundicherere khutu mau a kupemba kwanga, Yehova.

⁷Yehova Ambuye, ndinu mphamvu ya cipulumutso canga, Munandiphimba mutu wanga tsiku lakulimbana nkhondo.

⁸Yehova, musampatse woipa zokhumba iye; Musamthandize zodzipanga zace; angadzikuze.

⁹Kunena za mutu wao wa iwo akundizinga, Coipa ca milomo yao ciwaphimbe.

¹⁰Makala amoto awagwere; Aponyedwe kumoto; M'maenje ozama, kuti asaukenso.

¹¹Munthu wamlomo sadzakhazikika pa dziko lapansi; Coipa cidzamsaka munthu waciwawa kuti cimgwetse.

¹²Ndidziwa kuti Yehova adzanenera wozunzika mlandu, Ndi kuweruzira aumphawi,

¹³Indedi, olungama adzayamika dzina lanu; Oongoka mtima adzakhala pamaso panu,