Read Buku Lopatulik Masalmo 143 Bible Online

Masalmo 143 - Buku Lopatulik bible

Masalmo 143

¹Imvani pemphero langa, Yehova; ndicherere khutu kupemba kwanga; Ndiyankheni mwa cikhulupiriko canu, mwa cilungamo canu.

²Ndipo musaitane mlandu wa mtumiki wanu; Pakuti pamaso panu sipadzakhala wolungama wamoyo mmodzi yense.

³Pakuti mdani alondola moyo wanga; Apondereza pansr moyo wanga; Andikhalitsa mumdima monga iwo adafa kale lomwe.

⁴Potero mzimu wanga wakomoka mwa ine; Mtima wanga utenga nkhawa m'kati mwanga,

⁵Ndikumbukila masiku a kale lomwe; Zija mudazicita ndilingirirapo; Ndikamba pa ndekha za nchito ya manja anu.

⁶Nditambalitsira manja anga kwa Inu: Moyo wanga ulira Inu monga dziko lolira mvula.

⁷Fulumirani ndiyankheni, Yehova; mzimu wanga ukutha. Musandibisire nkhope yanu; Ndingafanane nao akutsikira kudzenje.

⁸Mundimvetse cifundo canu mamawa; Popeza ndikhulupirira Inu: Mundidziwitse njira ndiyendemo; Popeza ndikweza moyo wanga kwa Inu.

⁹Mundilanditse kwa adani anga, Yehova; Ndibisala mwa Inu.

¹⁰Mundiphunzitse cokonda Inu; popeza Inu ndinu Mulungu wanga; Mzimu wanu ndi wokoma; munditsogolere kucidikha.

¹¹Mundipatse moyo, Yehova, cifukwa ca dzina lanu; Mwa cilungamo canu muturutse moyo wanga m'nsautso.

¹²Ndipo mwa cifundo canu mundidulire adani anga, Ndipo muononge onse akusautsa moyo wanga; Pakuti ine ndine mtumiki wanu.