Read Buku Lopatulik Masalmo 146 Bible Online

Masalmo 146 - Buku Lopatulik bible

Masalmo 146

¹Haleluya; Ulemekeze Yehova, moyo wanga,

²Ndidzalemekeza Yehovam'moyo mwanga; Ndidzayimbira zomlemekeza Mulungu wanga pokhala ndi moyo ine.

³Musamakhulupirira zinduna, Kapena mwana wa munthu, amene mulibe cipulumutso mwa iye.

⁴Mpweya wace ucoka, abwerera kumka ku nthaka yace; Tsiku lomwelo zotsimikiza mtima zace zitayika.

⁵Wodala munthu amene akhala naye Mulungu wa Yakobo kuti amthandize, Ciyembekezo cace ciri pa Yehova, Mulungu wace;

⁶Amene analenga zakumwamba ndi dziko lapansi, Nyanja ndi zonse ziri m'mwemo; Ndiye wakusunga coonadi kosatha:

⁷Ndiye wakucitira ciweruzo osautsika; Ndiye wakupatsa anjala cakudya; Yehova amasula akaidi;

⁸Yehova apenyetsa osaona; Yehova aongoletsa onse owerama; Yehova akonda olungama;

⁹Yehova asunga alendo; Agwiriziza mwana wamasiye mkazi wamasiye; Koma akhotetsa njira ya oipa.

¹⁰Yehova adzacita ufumu kosatha, Mulungu wako, Ziyoni, ku mibadwo mibadwo. Haleluya.