Read Buku Lopatulik Masalmo 149 Bible Online

Masalmo 149 - Buku Lopatulik bible

Masalmo 149

¹Haleluya, Myimbireni Yehova nyimbo yatsopano, Ndi cilemekezo cace mu msonkhano wa okondedwa ace.

²Akondwere Israyeli mwa Iye amene anamlenga; Ana a Ziyoni asekere mwa Mfumu yao.

³Alemekeze dzina lace ndi kuthira mang'ombe; Amyimbire zomlemekeza ndi lingaka ndi zeze.

⁴Popeza Yehova akondwera nao anthu ace; Adzakometsa ofatsa ndi cipulumutso,

⁵Okondedwa ace atumphe mokondwera m'ulemu: Apfuule mokondwera pamakama pao,

⁶Nyimbo zakukweza Mulungu zikhale pakamwa pao, Ndi lupanga lakuthwa konse konse m'dzanja lao;

⁷Kubwezera cilango akunja, Ndi kulanga mitundu ya anthu;

⁸Kumanga mafumu ao ndi maunyolo, Ndi omveka ao ndi majerejede acitsulo;

⁹Kuwacitira ciweruzo colembedwaco: Ulemu wa okondedwa ace onse ndi uwu. Haleluya.