Read Buku Lopatulik Masalmo 17 Bible Online

Masalmo 17 - Buku Lopatulik bible

Masalmo 17

¹Yehova, imvani cilungamo, mverani mpfuu wanga; Cherani khutu ku pemphero langa losaturuka m'milomo ya cinyengo,

²Pankhope panu paturuke ciweruzo canga; Maso anu apenyerere zolunjika,

³Mwayesera mtima wanga; mwandizonda usiku; Mwandisuntha, simupeza kanthu; Ndatsimikiza mtima kuti m'kamwa mwanga simudzalakwa.

⁴Za macitidwe a anthu, ndaceniera ndi mau a milomo yanu Ndingalowe njira za woononga.

⁵M'mayendedwe anga ndasunga mabande anu, Mapazi anga sanaterereka.

⁶Ine ndinakuitanani, pakuti mudzandiyankha, Mulungu: Cherani khutu lanu kwa ine, imvani mau anga.

⁷Onetsani cifundo canu codabwiza, Inu wakupulumutsa okhulupirira Inu Kwa iwo akuwaukira ndi dzanja lanu lamanja.

⁸Ndisungeni monga kamwana ka m'diso, Ndifungatireni mu mthunzi wa mapiko anu,

⁹Kundilanditsa kwa oipa amene andipasula, Adani a pa moyo wanga amene andizinga.

¹⁰Mafuta ao awatsekereza; M'kamwa mwao alankhula modzikuza.

¹¹Tsopano anatizinga m'mayendedwe athu: Apenyetsetsa m'maso kuti atigwetse pansi.

¹²Afanana ndi mkango wofuna kumwetula, Ndi msona wa mkango wakukhala mobisalamo.

¹³Ukani Yehova, Mumtsekereze, mumgwetse: Landitsani moyo wanga kwa woipa ndi lupanga lanu;

¹⁴Kwa anthu, ndi dzanja lanu, Yehova, Kwa anthu a dziko lapansi pano amene colowa cao ciri m'moyo uno, Ndipo mimba yao muidzaza ndi cuma canu cobisika: Akhuta mtima ndi ana, Nasiyira ana amakanda zocuruka zao.

¹⁵Koma ine ndidzapenyerera nkhope yanu m'cilungamo: Ndidzakhuta mtima ndi maonekedwe anu, pamene ndidzauka.