Read Buku Lopatulik Masalmo 18 Bible Online

Masalmo 18 - Buku Lopatulik bible

Masalmo 18

²Yehova ndiye thanthwe langa, ndi linga langa, ndi mpulumutsi wanga; Mulungu wanga, ngaka yanga, ndidzakhulupirira Iye; Cikopa canga, nyanga ya cipulumutso canga, msanje wanga.

³Ndidzaitanira Yehova, woyenera kutamandika: Ndipo adzandipulumutsa ine kwa adani anga.

⁴Zingwe za imfa zinandizinga, Ndipo mitsinje ya zopanda pace inandiopsa.

⁵Zingwe za manda zinandizinga: Misampha ya imfa inandifikira ine.

⁶M'kusauka kwanga ndinaitana Yehova, Ndipo ndinakuwira Mulungu wanga; Mau anga anawamva m'Kacisi mwace, Ndipo mkuwo wanga wa pankhope pace unalowa m'makutu mwace.

⁷Pamenepo linagwedezeka, ndi kutenthemera dziko lapansi. Ndi maziko a mapiri ananjenjemera Nagwedezeka, pakuti anakwiya iyeyo.

⁸Unakwera utsi woturuka m'mphuno mwace: Ndi moto wa m'kamwa mwace unanyeka: Nuyakitsa makara.

⁹Ndipo Iye anaweramitsa thambo, natsika; Ndipo pansi pa mapazi ace panali mdima bii.

¹⁰Ndipo anaberekeka pa kerubi, nauluka; Nauluka msanga pa mapiko a mphepo,

¹¹Anaika mdima pobisala pace, hema wace womzinga; Mdima wa madzi, makongwa a kuthambo.

¹²Mwa kucezemira kunali pamaso pace makongwa anakanganuka, Matalala ndi makala amoto.

¹³Ndipo anagunda m'mwamba Yehova, Ndipo Wam'mwambamwamba anamvetsa liu lace; Matalala ndi makala amoto,

¹⁴Ndipo anatuma mibvi yace nawabalalitsa; Inde mphezi zaunyinji, nawamwaza.

¹⁵Ndipo zidaoneka zoyendamo madzi, Nafukuka maziko a dziko lapansi, Mwa kudzudzula kwanu, Yehova, Mwa mpumo wa mpweya wa m'mphuno mwanu.

¹⁶Anatuma kucokera m'mwamba, ananditenga; Anandibvuula m'madzi ambiri.

¹⁷Anandipulumutsa ine kwa mdani wanga wamphamvu, Ndi kwa iwo ondida ine, pakuti anandiposa mphamvu.

¹⁸Anandipeza ine tsiku la tsoka langa; Koma Yehova anali mcirikizo wanga.

¹⁹Ananditurutsanso andifikitse motakasuka; Anandilanditsa, pakuti anakondwera ndi ine.

²⁰Yehova anandibwezera monga mwa cilungamo canga; Anandisudzula monga mwa kusisira kwa manja anga.

²¹Pakuti ndasunga njira za Yehova, Ndipo sindinacitira coipa kusiyana ndi Mulungu wanga.

²²Pakuti maweruzo ace onse anali pamaso panga, Ndipo malemba ace sindinawacotsa kwa ine.

²³Ndipo ndinakhala wangwiro ndi iye, Ndipo ndinadzisunga wosacita coipa canga.

²⁴Ndimo anandisudzulira Yehova monga mwa cilungamo canga, Monga mwa kusisira kwa manja anga pamaso pace.

²⁵Pa wacifundo mukhala wacifundo Pa mumthu wangwiro mukhala wangwiro;

²⁶Pa woyera mtima mukhala woyera mtima; Pa wotsutsatsutsa mukhala wotsutsana naye.

²⁷Pakuti Inu muwapulumutsa anthu aumphawi; Koma maso okweza muwatsitsa.

²⁸Pakuti Inu muyatsa nyali yanga; Yehova, Mulungu wanga, aunikira mdima wanga.

²⁹Pakuti mwa Inu ndipyola khamu la anthu; Ndipo mwa Mulungu wanga ndilumphira linga.

³⁰Mulungu ndiyewangwiro m'njira zace; Mau a Yehova ngoyengeka; Ndiye cikopa ca onse okhulupirira Iye.

³¹Pakuti Mulungu ndani wosati Yehova? Ndipo thanthwe ndani wosati Mulungu wathu?

³²Mulungu ndiye wondizingiza mphamvu m'cuuno, Nakonza njira yanga ikhale yangwiro.

³³Alinganiza mapazi anga ngati a nswala: Nandiimitsa pamsanje panga.

³⁴Aphunzitsa manja anga agwire nkhondo; Kuti walifuka uta wamkuwa ndi manja anga.

³⁵Ndipo mwandipatsa cikopa ca cipulumutso canu: Ndipo dzanja lamanja lanu landigwiriziza, Ndipo cifatso canu candikuza ine.

³⁶Mwandipondetsa patali patali, Sanaterereka mapazi anga.

³⁷Ndidzalondola adani anga, ndi kuwapeza: Ndipo sindidzabwerera asanathe psiti.

³⁸Ndidzawapyoza kuti sangakhoze kuuka: Adzagwa pansi pa mapazi anga,

³⁹Pakuti mwaudizingiza mphamvu m'cuuno ku nkhondoyo: Mwandigonjetsera amene andiukira.

⁴⁰Ndipo adani anga mwawalozetsa m'mbuyo kwa ine, Kuti ndipasule ondidawo.

⁴¹Anapfuula, koma panalibewopulumutsa; Ngakhale kwa Yehova, koma sanawabvomereza.

⁴²Pamenepo ndinawapera ngati pfumbi la kumphepo; Ndinawakhuthula ngati matope a pabwalo.

⁴³Mwandipulumutsa pa zolimbana nane za anthu; Mwandiika mutu wa amitundu; Mtundu wa anthu sindinaudziwa udzanditumikira.

⁴⁴Pakumva m'khutu za ine adzandimvera: Alendo adzandigonjera monyenga.

⁴⁵Alendo adzafota, Nadzaturuka monjenjemera m'ngaka mwao.

⁴⁶Yehova ngwa moyo; ndipo lidalitsike thanthwe langa; Nakwezeke Mulungu wa cipulumutso canga:

⁴⁷Ndiye Mulungu amene andibwe, zerera cilango, Nandigonjetsera mitundu ya anthu.

⁴⁸Andipulumutsa kwa adani anga: Inde mundikweza pa iwo akundiukira ine: Mundikwatula kwa munthu waciwawa.

⁴⁹Cifukwa cace Yehova ndidzakuyamikani mwa amitundu, Ndipo dzina lanu ndidzaliyimbira.

⁵⁰Alanditsa mfumu yace ndi cipulumutso cacikuru: Nacitira cifundo wodzozedwa wace, Davide, ndi mbumba yace, ku nthawi zonse.