Read Buku Lopatulik Masalmo 19 Bible Online

Masalmo 19 - Buku Lopatulik bible

Masalmo 19

¹Zakumwamba zimalalikira ulemerero wa Mulungu; Ndipo thambo lionetsa nchito ya manja ace.

²Usana ndi usana ucurukitsa mau, Ndipo usiku ndi usiku uonetsa nzeru.

³Palibe cilankhulidwe, palibe mau; Liu lao silimveka.

⁴Muyeso wao wapitirira pa dziko lonse lapansi, Ndipo mau ao ku malekezero a m'dziko muli anthu. Iye anaika hema la dzuwa m'menemo,

⁵Ndipo liri ngati mkwati wakuturuka m'cipinda mwace, Likondwera ngati ciphona kuthamanga m'njira.

⁶Kuturuka kwace lituruka kolekezera thambo, Ndipo kuzungulira kwace lifikira ku malekezero ace: Ndipo kulibe kanthu kobisalira kutentha kwace.

⁷Malamulo a Yehova ali angwiro, akubwezera moyo; Mboni za Yehova ziri zokhazikika, zakuwapatsa opusa nzeru;

⁸Malangizo a Yehova ali olungama, akukondweretsa mtima: Malamulo a Yehova ali oyera, akupenyetsa maso.

⁹Kuopa Yehova kuli mbe, kwakukhalabe nthawi zonse: Maweruzo a Yehova ali oona, alungama konse konse.

¹⁰Ndizo zifunika koposa golidi, inde, golidi wambiri woyengetsa: Zizuna koposa uci ndi zakukha za zisa zace,

¹¹Ndiponso kapolo wanu acenjezedwa nazo: M'kuzisunga izo muli mphotho yaikuru.

¹²Adziwitsa zolowereza zace ndani? Mundimasule kwa zolakwa zobisika.

¹³Ndiponso muletse kapolo wanu pa zodzitama; Zisacite ufumu pa ine: pamenepo ndidzakhala wangwiro, Ndi wosacimwa colakwa cacikuru.

¹⁴Mau a m'kamwa mwanga ndi maganizo a m'mtima wanga abvomerezeke pamaso panu, Yehova, thanthwe langa, ndi Mombolo wanga,