Read Buku Lopatulik Masalmo 21 Bible Online

Masalmo 21 - Buku Lopatulik bible

Masalmo 21

¹Yehova, adzasekera mfumu mu mphamvu yanu; Adzakondwera kwakukuru m'cipulumutso canu!

²Mwampatsa iye cikhumbo ca mtimawace, Ndipo simunakana pempho la milomo yace.

³Pakuti mumkumika iye ndi madalitso okoma: Muika korona wa golidi woyengetsa pamutu pace.

⁴Anakupemphani moyo, mwampatsa iye; Mwamtalikitsira masiku ku nthawi za nthawi.

⁵Ulemerero wace ngwaukuru mwa cipulumutso canu: Mumcitira iye ulemu ndi ukulu.

⁶Pakuti mumuikira madalitso ku nthawi zonse; Mumkondweretsa ndi cimwemwe pankhope panu.

⁷Pakuti mfumu akhulupirira Yehova, Ndipo mwa cifundo ca Wam'mwambamwamba sadzagwedezeka iye,

⁸Dzanja lanu lidzapeza adani anu onse: Dzanja lanu lamanja lidzapeza iwo akuda Inu.

⁹Mudzawaika ngati ng'anjo yamoto pa nyengo ya mkwiyo wanu. Yehova adzawatha m'kukwiya kwace, Ndipo moto udzawanyeketsa.

¹⁰Mudzaziononga zobala zao kuzicotsa pa dziko lapansi, Ndi mbeu zao mwa ana a anthu.

¹¹Pakuti anakupangirani coipa: Anapangana ciwembu, osakhoza kucicita.

¹²Pakuti mudzawabweza m'mbuyo, Popiringidza m'nsinga zanu pankhope pao,

¹³Kwezekani, Yehova, mu mphamvu yanu: Potero tidzayimba ndi kulemekeza cilimbiko canu.