Read Buku Lopatulik Masalmo 24 Bible Online

Masalmo 24 - Buku Lopatulik bible

Masalmo 24

¹Dziko lapansi nla Yehova ndi zodzala zace zomwe, Dziko lokhalamo anthu ndi iwo okhala m'mwemo.

²Pakuti Iye analimanga pazinyanja, Nalikhazika pamadzi.

³Adzakwera ndani m'phiri la Yehova? Nadzaima m'malo ace oyera ndani?

⁴Woyera m'manja, ndi woona m'mtima, ndiye; Iye amene sanakweza moyo wace kutsata zacabe, Ndipo salumbira monyenga,

⁵Iye adzalandira dalitso kwa Yehova, Ndi cilungamo kwa Mulungu wa cipulumutso cace.

⁶Uwu ndi mbadwo wa iwo akufuna Iye, Iwo akufuna nkhope yanu, Mulungu wa Yakobo.

⁷Weramutsani mitu yanu, zipata inu; Ndipo kwezekani inu, zitseko zosatha: Kuti Mfumu ya ulemerero ilowe.

⁸Mfumu imene ya ulemerero ndani? Yehova wamphamvu ndi wolimba, Yehova wolimba kunkhondo.

⁹Weramutsani mitu yanu, zipata inu; Inde weramutsani, zitseko zosatha inu, Kuti Mfumu ya ulemerero ilowe.

¹⁰Mfumu imene ya ulemerero ndani? Yehova wa makamu makamu, Ndiye Mfumu ya ulemerero.