Read Buku Lopatulik Masalmo 25 Bible Online

Masalmo 25 - Buku Lopatulik bible

Masalmo 25

¹Ndikweza moyo wanga kwa Inu, Yehova.

²Mulungu wanga, ndakhulupirira Inu, Ndisacite manyazi; Adani anga asandiseke ine.

³Inde, onse akuyembekezera Inu sadzacita manyazi Adzacita manyazi iwo amene acita monyenga kopanda cifukwa.

⁴Mundidziwitse njira zanu, Yehova; Mundiphunzitse mayendedwe anu.

⁵Munditsogolere m'coonadi canu, ndipo mundiphunzitse; Pakuti Inu ndinu Mulungu wa cipulumutso canga; Inu ndikuyembekezerani tsiku lonseli.

⁶Kumbukilani, Yehova, nsoni zanu ndi cifundo canu; Pakuti izi nza kale lonse,

⁷Musakumbukile zolakwa za ubwana wanga kapena zopikisana nanu: Mundikumbukile monga mwa cifundo canu, Cifukwa ca ubwino wanu, Yehova.

⁸Yehova ndiye wabwino ndi wolunjika mtima: Cifukwa cace adzaphunzitsa olawa za njira.

⁹Adzawatsogolera ofatsa m'ciweruzo: Ndipo adzaphunzitsa ofatsa njira yace.

¹⁰Mayendedwe onse a Yehova ndiwo cifundo ndi coonadi, Kwa iwo akusunga pangano lace ndi mboni zace.

¹¹Cifukwa ca dzina lanu, Yehova, Ndikhululukireni kusakaza kwanga, pakuti ndiko kwakukuru.

¹²Munthuyo wakuopa Yehova ndani? Adzamlangiza iye njira adzasankheyo.

¹³Moyo wace udzakhala mokoma; Ndi mbumba zace zidzalandira dziko lapansi.

¹⁴Cinsinsi ca Yehova ciri kwa iwo akumuopa Iye; Ndipo adzawadziwitsa pangano lace.

¹⁵Maso anga alinga kwa Yehova kosaleka; Pakuti Iye adzaonjola mapazi anga m'ukonde.

¹⁶Ceukirani ine ndipo ndicitireni cifundo; Pakuti ndiri woungumma ndi wozunzika.

¹⁷Masautso a mtima wanga akula: Munditurutse m'zondipsinja.

¹⁸Penyani mazunzo anga ndi zabvuta zanga; Ndipo khululukirani zolakwa zanga zonse.

¹⁹Penyani adani anga, popeza acuruka; Ndipo andida ndi udani waciwawa.

²⁰Sungani moyo wanga, ndilanditseni, Ndisakhale nao manyazi, pakuti ndakhulupirira Inu.

²¹Ungwiro ndi kuongoka mtima zindisunge, Pakuti ndayembekezera Inu.

²²Ombolani Israyeli, Mulungu, M'masautso ace onse.