Read Buku Lopatulik Masalmo 26 Bible Online

Masalmo 26 - Buku Lopatulik bible

Masalmo 26

¹Mundiweruze, Yehova, pakuti ndayenda m'ungwiro wanga: Ndipo ndakhulupirira Yehova, sindidzaterereka.

²Mundiyesere, Yehova, ndipo mundisunthe; Yeretsani imso zanga ndi mtima wanga.

³Pakuti cifundo canu ciri pamaso panga; Ndipo ndayenda m'coona canu.

⁴Sindinakhala pansi ndi anthu acabe; Kapena kutsagana nao anthu otyasika.

⁵Ndidana nao msonkhano wa ocimwa, Ndipo sindidzakhala nao pansi ocita zoipa.

⁶Ndidzasamba manja anga mosalakwa; Kuti ndizungulire guwa la nsembe lanu, Yehova:

⁷Kuti ndimveketse mau a ciyamiko, Ndi kulalikira nchito zanu zonse zozizwa.

⁸Yehova, ndikonda cikhalidwe ca nyumba yanu, Ndi malo akukhalamo ulemerero wanu.

⁹Musandicotsere mzimu wanga pamodzi ndi olakwa, Kapena moyo wanga pamodzi ndi anthu okhetsa mwazi:

¹⁰Amene m'manja mwao muli mphulupulu, Ndi dzanja lao lamanja ladzala ndi zokometsera mlandu.

¹¹Koma ine, ndidzayenda m'ungwiro wanga; Mundiombole, ndipo ndicitireni cifundo.

¹²Phazi langa liponda pacidikha: M'masonkhano ndidzalemekeza Yehova.